Veelderhande schriftuerlijcke liedekens

68. Na die wijse. O bloyende iuecht, notabel wijs van sinne.

GHy dromers gheest//wilt wt den slaep ontspringhen
Minst ende meest//wilt Godt nv lof toe singhen
Ghy zijt beurijt
Uoor tsvyants nijt
Uwen verlosser is gheboren
Als nv ter tijt

[fol. I3v]

 

Al van een maecht vercoren ⁺

 

Wy waren al verloren.

 

 

 

Tis al volbracht//dat Baalam heeft gesproken

 

Op den Kersnacht//is den hemel ontloken

 

Een licht seer reyn

 

Int tsweerelts pleyn

 

Is ons vanden Uader ghecomen

 

Dwelck heeft certeyn

 

Die duysternisse haer macht benomen

 

Dat is tot onser vromen.

 

 

 

Mijn siele gheeft lof//den Heere groot gepresen

 

Ghy eertsche stof//ghi zijt nv al ghenesen

 

Weest niet belaen

 

Met die herders wilt gaen ⁺

 

Aenbidt dat kint tot allen stonden

 

In Betleem saen

 

Leet Iesus in doecken ghewonden

 

Tis al om onse sonden.

 

 

 

Naer Abrehams wet//so is Cristus besneden

 

Hy heeft verplet//die helle en doot vertreden ⁺

 

Wt liefden goet

 

Schanck hy sijn bloet

 

Uoor ons al wt ghenaden

 

Bidt hem ootmoet

 

Hy en sal v niet versmaden

 

Compt al die zijt beladen.

 

 

 

Ghy Israel//looft nv den Heere der Heeren

 

Doet zijn beuel//wilt v tot hem waert keeren

 

Uan Syon compt wt

 

Ghy Christus Bruyt

 

Aensiet v lief hy is soo schoone

 

Met een Enghels gheluyt

 

Quam hy wt tshemels troone

 

Uoor v soo is zijn croone.

 

 

 

Prince seer groot//bouen allen Princen verheuen

 

Uwen gheest minnioot//sendt hier ons beneuen

 

Doet ons bijstant

+ Luce.ij.

+ Luce.ij.

+ Luce.ij.

[fol. I4r]

 

Seer abondant

 

Dat wy in sonden niet en verstijuen

 

U woort playsant

 

Dat wy te recht moghen beclijuen

 

En altijt volstantich blijuen.