Veelderhande schriftuerlijcke liedekens

69. Na die wijse. Ick roepe v O Hemelsche Uader aen.

GOd heeft ons zijn Euangelium vroet
Ghegheuen om dat te lesen
Maer de weerelt en acht sulcken scat niet soet
Want duer het vleesch en bloet
Soo en compt gheen goet//hier gheresen.

Ten is niet dan boeuerije quaet
Die de weerelt hier gaet bedrijuen
Al ofter gheenen Godt inden hemel en saet
Een elck soo omme gaet
Troost v volck desolaet//Heer mans en wyuen.

Men vraecht nv na gheen oprechte leer
Giericheyt heuet douerhant ghenomen
De woeckerye is nv ter weerelt seer
Uerchiert met grooter eer
Men vermaent van God niet meer//tonser onvromen.

Uele beroemen hem van deuangelium playsant
Maer weynich daer na leuen
Sy spotten noch voorwaer aen elcken cant
Duer haer groot onuerstant
Met Gods woort vayliant//hoochste verheuen.

Nieu wetten bedencken si alle daghe liet
Het zijn godloose netten
Na ghelt, en goet studeert dit ghediet
Donnoosele lijdt verdriet
Duer tgewelt dat hier gheschiet//Heer wilt op ons letten.

De Cristenen royen si wt, duer quayen raet
Den armen die moet noot lijden
Sy sullent noch beclaghen hier te laet
Dat si dat arm saet

[fol. I4v]

 

Soo wreet en obstinaet//hier comen bestrijden.

 

 

 

Den armen wort verdreuen ouer al

 

Sijn sweet en bloet wort gheten

 

Sy crijsschen, si huylen, si maken gheschal

 

Maer Godt betalen sal

 

Alle dit ghetal//groot int vermeten.

 

 

 

Men vraecht nv na God den Heere niet meer

 

Ghepresen wort ydele glorie

 

Dongherechticheyt heeft ghenomen den keer

 

Tbedroch is nv groot eer

 

Lueghen en is schande meer//in elck memorie.

 

 

 

Waer blijft nv broerlijcke liefde groot

 

Die weerelt is nv vol dieuen

 

Die trou ende tghelooue is doot

 

Met een elck cleyn en groot

 

Een elc slacht nv bloot//als die Dagon verhieuen.

 

 

 

Die weerelt en wilt haer niet verstaen ⁺

 

Gods woort noch oock zijn leeren

 

Sy en hooren verstant noch ander vermaen

 

Dan eten en drincken saen

 

Met scattinghe om te gaen//o Heere der Heeren.

 

 

 

Huer grootste conste is bancketeeren hoort

 

In boeuerijen studeren

 

Hier inne gaet si wter maten wel voort

 

Thout al met huer accoort

 

Ualscheyt datmen oorboort//sonder cesseren.

 

 

 

Die blinckende sonne niet meer en can

 

Haer claer rayen laten blincken

 

Maer verliest haer schijn van nv voort an

 

Dus is te recht elck man

 

Bedroeft hier van//o God wilt v volc gedincken.

 

 

 

De Mane en sterren zijn beroert hier by

 

Seer deerlijck zijn si in wesen

 

Sy souden der boosheyt gheeren wesen vry

 

Delementen roepen fy

 

Ouer sweerelts afgodery//o Heere ghepresen.

 

 

 

Daer om compt nv Princelijcken Godt

+ Regum.

[fol. I5r]

 

U gheloouighen tot v vlien

 

Uernielt dat eertrijck dat met v spot

 

Dat daer hout v volck sot

 

In dit Babels cot//laet den ioncxsten dach geschien.