Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio I1v]
| |
GHelijck een tortelduyfken hem verhuecht
En in een wout gaet vlieghen
Mijn siel is droeuich sonder vruecht
Tghesicht wil my bedrieghen
Mijn herteken dat schept verdriet
Alst te recht si seluen besiet
Dus wilt minen druck verhooren
Want veel
gheroepen maer weynich vercoren.
Ga naar margenoot+
Ghedenct wat daer gheschreuen staet
Dat by den wech is gheuallen
Die voghelen
des hemels aten dat saet
Ga naar margenoot+
Dat bediet ons thert vol gallen
Wanneer ons dan die vyant quelt
Soo zijn wy alsoo seer ontstelt
En dat saet blijft dan verloren
Want veel
geroepen mer weynich wtvercoren.
Ga naar margenoot+
Hoe soet vallet saet in deser tijt
Ende wort so vele ontfanghen
Wanneermen daer op merct al sonder respijt
Soo en heeftet gheen voortganghen
Want dat saet dat blijft alleen
Want het valt op eenen herden steen
En die sonne gaeghet versmooren
Want veel
geroepen mer weynich wtvercoren.
Ga naar margenoot+
Noch valt dat saet en groeyt oock wel
In doornen ende in bramen
Want eertment oost soo vergaghet snel
Want het en dient niet te samen
Dan compt die weerelt met haren lust
Wel hem die daer niet op en rust
Ten zijn niet dan dijstelen en doren
Want veel
gheroepen mer weynich wtvercoren.
Ga naar margenoot+
Ghelijck als ons die schriftuer seyt
Soo en zijn wy niet dan asschen
Wel hem Heere die ghy hebt bereyt
Daer sal dat saet in wasschen
Dus bidt hem groot ende cleyn
| |
[Folio I2r]
| |
Dat hy ons wil bouwen alleyn
Soo brenghet vruchten te voren
Want veel
gheroepen mer weynich wtuercoren.
Ga naar margenoot+
Prinche diemen niet af en sach gaen
Maria bloem van alle vrouwen
Die v sach onder den cruyce staen
Ende sterf voor ons vol trouwen
Wt liefden die hy ons bewijst
Ende daer na in ghelouen verrijst
Bidt hem hy sal v verhooren
Want veel gheroepen mer weynich wtuercoren. Ga naar margenoot+
|
|