Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij65. Na die wijse. Die bloemkens staen schoon ende breet.GHy Cristenen en
wilt v vertoornen niet
Ga naar margenoot+
Int voorspoet der
godtloosen
Noch en treckt aen v gheen verdriet
Om tweluaren der boosen.
Want als tgras
soo sullen si vergaen
En haestelijck af ghesneden
Als groene cruyt soo werden si saen
Uerdorret ende al vertreden.
Sedt uwen troost in Godt alleen
Keert alle dinck in duechden
Blijft in v lant wilt alle ween
Al int ghelooue veruruechden.
In Godt hebt altijt uwen lust
Wat hy gheeft het sal wel smaken
In zijn weghen soo weest gherust
Betrout hem hy salt wel maken.
Uwe rechtueerdicheyt als een licht
Sal hy claerlijck openbaren
Ghelijck die middach al verlicht
Sal hy onrecht verclaren.
Hout v aen Godt wat hy v schinct
| |
[Folio H8r]
| |
En vertorent v niet swijcht al stille
Als uwen vyant voorspoet vinct
Doende na zijnder wille.
En grimmet noch en torent niet
Wilt goet voor arbeyt gheuen
Die Godt wacht in zijn lant bediet
Die quaet doet die wert verdreuen.
Laet noch om [eenen] cleynen tijt
Den godtloosen onderwinden
Hy wert ghesocht breet ende wijt
Maer niemant en sallen vinden.
Maer die saechtmoedighe dat lant
Met paeys besitten sullen
Al souder der godtloosen verbant
Die rasen ende dullen.
Die quaden ouer den goeden raest
Als van sinnen benomen
Maer Godt hout hem voorgoet verdwaest
Want sinen dach die siet hy comen.
Die Godtloose die blooten haer sweert
Ende spannen alle haer boghen
Al om te quellen den goed en weert
Die hem tot duecht wilt poghen.
Haer sweert sal in haer herte gaen
Haer boghen die sullen breken
Alle tquaet dat duer hem wert ghedaen
Sal in haer herte steken.
Den Christen is beter cleyn goet
Dan hoopen goets der boosen
Want Godt altoos den weldoender behoet
Den arm die breect der godtloosen.
Godt weet wanneer hy sal bestaen
Den ontschuldighen te helpen
Sijn erue die sal veel langher staen
Dan zijn gulden scelpen.
Hem wert de sonde noch een verwijt
Al in quader tijt begheuen
| |
[Folio H8v]
| |
Maer hem wert inden dieren tijt
Ghenoch ghegheuen om by te leuen
Al warent godtloosen als schat
Seer hooghe al in die weerelt verheuen
Ueel snelder dan een roose blat
Werdense als roock verdreuen.
Die godtloose borcht gheerne tghelt
Dwelck hy gheerne behielde
Die rechtueerdighe is al vrij ghestelt
Barmhertich ende milde.
Die van Godt wert ghebenendijt
Die sal besitten die erue
Maer die daer wert vermalendijt
Tis wel recht dat hyse derue.
Des menschen weghen die zijn gheuoert
Uan Godt in zijn behaghen
Al valt hy hy wort onberoert
In zijn hant wilt hy hem draghen.
Ick ben van ionckheyt worden out
Noyt en heb ick connen vaten
Uan rechtueerdighen arm oft cout
Noch zijn kinderen verlaten.
Hy is barmhertich nacht ende dach
Al in Gods weghen ghetorden
Sijn saet sal oock al sonder gheclach
Ghebenedijt worden.
Wijct vanden quaden doende duecht
Ende blijft alle eewich leuen
O Godt die alle zijn heylighen veruruecht
En wiltse niet begheuen.
Eewich in eewich soo blyuen si
Int quade sullen si verganghen
Die goede dlant besitten vry
Eewich al sonder verlanghen
Die mont der Christen wijsheyt denct
Gheen onrecht en can hy clappen
Want Godt zijn wet int herte hem schenct
| |
[Folio I1r]
| |
Ende beweghende zijn stappen.
Den Cristen die godtloose ontsiet
Dat hy hem mochte dooden
Maer Godt die en verdoemt hem niet
Maer hy trect hem wten nooden.
Uerbeyt op Godt in sinen wech
Ghy sult dat lant besitten
Die Godloosen verstoot hy wech
Beschickt ten helschen pitten.
Der godloosen ic eenmael
Sach grouwelijck van doene
Machtich groot rijck als adtmyrael
Ende als den lauwer groene.
Ick ghinck voort ouer ende siet
Ick sach ten allen inden
Ick vraechder na men vanten niet
Hy en was niet te vinden.
Weest ontschuldich ende siet an
Naer die rechtueerdichede
Want dat leste van sulcken man
Is paeys ruste ende vrede
Die Godtloose die sullen vergaen
Tsamen cleen metten grooten
Ten lesten en sal niemant staen
Maer werden wech ghestooten.
Der ghiericheyt ende salicheyt
Is van Godt ende ontfermen
Hy wilse in alle dierbaerheyt
Uan ongheluck beschermen.
Godt salse helpen als hy seyt
In der godtloosen aenschouwen
En brenghen ons allen tot salicheyt
Want si in hem betrouwen.
|
|