Veelderhande schriftuerlijcke liedekens

[fol. H7r]

64. Een ander.

GOds liefde is ons gheopenbaert
En heeft ons willen ontfermen
Gods woort is nv te recht verclaert
Ende ghepreeckt den armen
Tis ons een blijde nieumare
Uerblijt v alle die droeuich zijt
Ouer alle die weerelt wijt
Met desen nieuwen Iare.

Uerblijt v alle Gods wtuercoren
Heden in desen tyen
Die anderweruen zijt herboren
En dat door Christus lijen
Sijnen gheest maeckt ons openbaren
Hoe dat wy waren vermalendijt
Maer Christus heeft ons weer beurijt
Nv en tot allen Iaren.

Heft op v herten alle ghemeijn
En wilt v verblijen met sanghen
Wy worden salich al door dat greyn
Dat Maria heeft ontfanghen
En weest in gheenen vare
Soo huer die Enghel heeft ghebrieft ⁺
Ende Godt den Uader heeft belieft
Met desen nieuwen Iare.

Inde seste maent verstaet
Was Gabriel ghesonnen
Noyt en gheschieder meerder daet
Noch en sal zijn begonnen ⁺
Tot eender maghet clare
Die Maria was ghenaemt
Tis Godt die alle eere betaempt
Met desen nieuwen Iare.

In Bedtleem soo was hy gheboren
Na die propheten belijen ⁺
Ueel menschen die sullen hem verstooren

+ Luce.i.

+ Luce.i.

+ Luce.ij.

[fol. H7v]

 

En teghen zijn woorden strijen

 

En vallen in sonden swaren

 

Tis ons duer menschen leere ghecomen

 

Die hebben ons zijn woort benomen

 

Al ouer vele Iaren.

 

 

 

Wat sal sal tcaf bijt coren doen

 

Als Esaias heeft ghesproken ⁺

 

En wilt Gods woort alleen beuroen

 

Ten mach niet zijn ghebroken

 

Het comt wter Godtlijcker aren

 

Hemel en eerder sal vergaen

 

Maer Gods woort sal blyuen staen

 

Nv en tot allen Iaren.

+ Esaias.