Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio H5v]
| |
63. Na die wijse. Ontwaect wten slaep wie dat ghy zijt.GHy broeders en susters weest verblijt
Als ghy veruolghinghe lijt
Om Christus naem ghebenedijt
Want dat rijcke Gods sal v erue wesen
Uermaect v met Gods gheest altijt
Want ghy toch salich zijt
Als ghy om
dwoort Gods wort benijt
Ga naar margenoot+
Soo wy
Matheus int vijfde lesen
Ga naar margenoot+
Paulus seyt voorwaer
Twee Timotheum int derde claer
Al die Godsalich hier leuen
Die moet veruolcht worden ende verdreuen.
Niet dan
tribulatie voort
Heeft hier die Christen nacie hoort
Ga naar margenoot+
Als Matheus oorboort
Staet int vierentwintichste ghescreuen
Met
groot discoort//om Gods woort
Ga naar margenoot+
Suldy worden
vermoort
Ga naar margenoot+
Uan alle menschen verstoort
Alleen om Christus naem verheuen
Lucas int
neghende staet
Ga naar margenoot+
Soo wie zijn leuen laet
Om Christus
naem die salt behouwen
Ga naar margenoot+
Dus en laet ons van Gods woort niet verflouwen
Esaias int negenenvijftichste staet
Die waerheyt wort versmaet
Ia leyt gheuallen op der straet
Die claerheyt machmen niet int voorschijn lesen
Die waerheyt wort gheuanghen verstaet
En al die vanden quaden afgaet
En die boosheyt verlaet
Die moet hier alle mans roof wesen
Als Christus spreect seer soet
Wort ghy ghehaet metter spoet
| |
[Folio H6r]
| |
Weet dat si my oock haetten en verdreuen
Ioannes
int vijftienste vint ghijt gheschreuen.
Ga naar margenoot+
Eylaes het waer my groot verdriet
Seyt Paulus te beroemen yet
[Dan] int cruyce des Heeren siet
Het staet Galaten int seste ghepresen
Ga naar margenoot+
Oock Christus thooft selfs niet
Als Lucas hoort mijn liet
Int vierentwintichste bediet
Dan door lyden ghegaen is int shemels wesen
Aldus moeten nv na gaen
Sijn leden wilt dit verstaen
Want ons Christus selue gaet leeren
Dat die knecht
niet meerder en is dan sinen Heeren.
Ga naar margenoot+
Troost v met Godt en dit versint
Dat hy castijt
die hy bemint
Ga naar margenoot+
Ia gheesselt
zijn soon ofte kint
Ga naar margenoot+
Eer dat hy hem wilt ontfanghen
Als nv die castijnghe compt ontrint
Soo weet dat ghy zijn sone bint
Totten Hebreen ist gheprint
Int tweelste
hoort toch na mijn sanghen
Ga naar margenoot+
Elcken sone die de Uader castijt
Wie nv gheen castydinghe en lijt
Die si alle deelachtich waren
Dat en zijn geen rechte sonen mer bastaren.
Mer laet ons lyden om dwoort Gods hier
Want om Gods wille ist beter manier
Dan om het quaet te lyden fier
Alsser staet
een Petrus int derde
Ga naar margenoot+
Want Godt ondersoect ons altijt schier
Met druck veruolghinghe oft vier
Aenhoort toch dit bestier
Oft wy oock in hem sullen volherden
Die nv volstantich blijft fijn
Ga naar margenoot+
Die sal dan
salich zijn
Ga naar margenoot+
Matheus vierentwintich gaetet verclaren
| |
[Folio H6v]
| |
Dus laet ons hierom stryden allegaere.
Al worden wy veruolghet swaer
Wy lident al tis openbaer
Men lastert ons hier en daer
Mer wy
bidden alser staet Corinten vier
Ga naar margenoot+
Tcruys dunct die verloren worden claer
Een sotheyt alst oock blijckt voorwaer
Maer tis die Christen schaer
Oft die salich worden een cracht Gods hier
Alsmen vint gheschreuen staen
Corintien int
eerste saen
Ga naar margenoot+
Actum
veertienste dat doet ons blijcken
Ga naar margenoot+
Dat wi door veel verdriets moeten gaen in Gods
rijcken.
Dat rijcke der hemelen lijdt ghewelt
Wie daer
ghewelt om stelt
Ga naar margenoot+
Die cryghet onuermelt
Mattheus int
elfste daer moechdijt vinden
Ga naar margenoot+
Wie tcruys des Heeren tonderuelt
Oft daer niet
van en helt
Ga naar margenoot+
Die wort voor Godt als niet ghetelt
Als Matheus ons
in tiende gaet ontbinden
Ga naar margenoot+
Wie om dwoort Gods niet en haet
Sijn goet en leuen niet en versmaet
Die en mach niet wesen Gods kint
Lucas int veertienste dat ghijt claer vint.
Ga naar margenoot+
Al is die weerelt nv soo bly
Laet ons met Godt onsen Prince vry
Lyden een weynich ghestry
Hier na sullen wy verblyen met den Heer
Een vrouwe in deser tijt sien wy
Heeft groote smerten pijnen en ghely
Eer dat si baert hoort my
Maer als si ghebaert heeft en ghedenct si die pijn niet meer
Soo salt met ons oock zijn
Ioannes
sestien statet fijn
Ga naar margenoot+
Romeynen in .viij. staet sonder swijcken
Ga naar margenoot+
Dat ons lyden by Gods glorie niet en is te ghelijcken.
|
|