Veelderhande schriftuerlijcke liedekens

50. Na die wijse. Ick claghe v o Heer al minen noot.

GHy die Christum hebt aenghedaen ⁺
Sijt ghy met hem opghestaen ⁺
Ende hebt dat voorghenomen ⁺
Niet weder in doude leuen te gaen ⁺
Soo laet ons worden volcomen ⁺
Uruchtbaer boomen.

Een yeghelijck boom dit ouerdenckt ⁺
Die gheen goede vruchten voort en brengt
Sal worden afghehouwen ⁺

+ Rom.vi.

+ Gal.iij.

+ Coll.iij.

+ Eph.iiij.

+ Heb.vi.

+ Matth.iij.vij.

+ Luc.iij.

[fol. G1v]

 

Neempt waer die gauen die Godt v schenct

 

En oeffene die ghetrouwe

 

Sonder rouwe.

 

 

 

Christus spreeckt hier wel op siet

 

Sonder my vermoecht ghy niet ⁺

 

Laet ons zijn gauen verwachten

 

Op dat hy ons niet af en snijt

 

Als wy gheen vruchten en brachten

 

Door zijn crachten.

 

 

 

Als wy ons al voort quaet behoen

 

Soo moeten wy ons tot dat goede spoen

 

Wy en moghen niet ledich wesen

 

Daer staet die Godt vreest die sal goet doen ⁺

 

Als wy in Ecclesiasticus lesen

 

Acht op desen.

 

 

 

Doet nv aen alle menschen goet

 

Uoor al thuys der gheloouighen voet ⁺

 

Spreect Paulus wilt dit vaten

 

Uoort maect ons Christus Iesus vroet

 

Dat wy moeten comen te baten ⁺

 

Die ons haten. ⁺

 

 

 

Wie goet weet te doen tot eenigher stont ⁺

 

Doet hijt niet het is hem sondt

 

Laet ons toch niet vertraghen

 

Quaem die Heer en hy ons slapende vont ⁺

 

Wy souden seker veel slaghen

 

Moeten draghen. ⁺

 

 

 

Hier om zijt neerstich in de weer

 

Hebt altijt acht op Christus leer

 

Laet v daer niet af leyden

 

Den hertooch des leuens een lieflijck Heer ⁺

 

Wie sou ons van dien voorseyden ⁺

 

Moghen scheyden.

 

 

 

Laet ons toch hooren alle zijn stem ⁺

 

Want daer zijn woorden des leuens by hem

 

Ioannes heuet beschreuen ⁺

 

Laet ons houden ons lichaem tem

+ Ioan.xv.

+ Ecc.xv.

+ Gal.vi.

+ Mat.v.

+ Luc.vi.

+ Iac.iiij.

+ Matth.xxiiij.

+ Luc.xij.

+ Act.iij.

+ Ro.viij.

+ Heb.iij.iiij.

+ Ioan.vi.

[fol. G2r]

 

Dat wy hier na moghen leuen

 

En worden verheuen.

 

 

 

Uerheuen hier na dats ons begheert

 

Wie hem hier verheft sal worden verneert ⁺

 

Godt haet de hooueerdighe van gheeste

 

Die hem die minste hier oordineert ⁺

 

Die sal in des hemels foreeste

 

Sijn die meeste.

 

 

 

Hierom en laet de houerdy

 

Gheensins hebben heerschappy

 

In uwe woorden oft ghedachten

 

Dit leerde Tobias sinen sone hoort my ⁺

 

Ghy moet hier oock wel op achten

 

Ghy gheslachten.

 

 

 

Ghy die Christenen zijt ghenaempt

 

Wandelt soo uwen roep betaempt

 

Als ons Paulus hout voor ooghen ⁺

 

Alsmen totten Ephesien naempt

 

Wilt v na dijn vermoghen

 

Alsoo voeghen.

 

 

 

Wy vinden totten Ephesien daer ⁺

 

Uan een ghemeynte alsoo claer

 

Ghepresen bouen ghesteenten

 

Christus is het hooft van haer

 

Ulees been van sinen ghebeenten

 

Die ghemeenten.

 

 

 

O God Prince der Princen fijn

 

Wilt uwer ghemeynten beschermer zijn

 

Wilt daer die dief wtkeeren

 

Wy staen opt leuende woort van dijn

 

Ghy weet dat wy niet en begheren

 

Ualsche leeren.

+ Matth.xxiij.

+ Luc.xiiij.xviij.

+ Tob.iiij.

+ Eph.iiij.

+ Eph.v.