Veelderhande schriftuerlijcke liedekens


51. Een ander. GHy christenen wilt ontwaken//saen Uwen naesten wilt ontfermen Draecht last die totten saken//staen
[Folio G2v]
Ghy besorghers vanden armen D[u]er tghelooue, liefde bewijst Den naecten cleet, den hongherighen spijst Meest na dwerck sal vraghen Christus ten laetsten daghen. U sacraficiedie ben ick moet Ghy moet v anders bereyden Alle creatueren die hooren my toe Die op de berghen weyden Den dorsteghen laeft, duer goet bescheet Herbercht hem die nieuwers vluchten en weet Meest na dwerck sal vraghen Christus ten laetsten daghen. V brantoffer en gheer ick niet Hoort al na Gods vermonden Bermherticheyt uwen naesten biet Wt liefden bedect v sonden Uerlost de gheuangenen wt den banden stranck Uertroost uwen broeder hy leyt soo cranck Meest na dwerck sal vraghen Christus ten laetsten daghen. Hoort toe ghy menschelijcke iuecht Wiltse ghebenedyden Die v haten, doet die duecht Bemintse die v benyden Eest dat yemant uwen mantel begheert Gheeft hem den rock, spreeckt Christus expeert Meest na dwerck sal vraghen Christus ten laetsten daghen. Met vasten doedy v seluen veel ghepijns Thoot draeyt v ghelijck een coorde U herte is van binnen vol fenijns Die Prophete schrijvet met Gods woorde Schuert v herte, niet v cleederen bloot Uwen naesten suldy breken v broot Meest na dwerck sal vraghen Christus ten laesten daghen.