Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij48. Na die wijse. Ontwaect wt den slaep wie dat ghy zijt.GHy broeders en susters weest verblijt
Als ghy veruolghinge lijt
Om Christus naem ghebenedijt
Want dat rijcke Gods sal v erue wesen
Uermaeckt v met Gods gheest altijt
Want ghy toch salich zijt
Als ghy om dwoort Gods wort benijt
Soo wy Matheus int vijfde lesen
Paulus seyt voorwaer
Ga naar margenoot+
Twee Timotheum int derde claer
Al die godsalich hier leuen
Ga naar margenoot+
Die moet veruolcht worden ende verdreuen.
Niet dan tribulatie voort
Heeft hier die Christen nacie hoort
Als Matheus oorboort
Ga naar margenoot+
Staet int vierentwintichste gheschreuen
Met grooter//discoort om Gods woort
| |
[Folio F7v]
| |
Suldy worden vermoort
Uan alle menschen verstoort
Alleen om Christus naem verheuen
Lucas int neghende staet
Ga naar margenoot+
Soo wie zijn leuen laet
Om Christus naem die salt behouwen
Dus en laet ons van Gods woort niet
verflouwen.
Esaias int negenenvijftichste staet
Ga naar margenoot+
Die waerheyt wort versmaet
Ia leyt gheuallen op der straet
Die claerheyt machmen niet int voorscheyen lesen
Die waerheyt wort gheuanghen verstaet
En al die vanden quaden afgaet
En die boosheyt verlaet
Die moet hier alle mans roof wesen
Als Christus spreeckt seer soet
Wort ghy ghehaet metter spoet
Weet dat si my oock haetten en verdreuen
Ioannes int vijftienste vint ghyt gheschreuen.
Ga naar margenoot+
Elaes het waer my groot verdriet
Seyt Paulus te beroemen yet
Dan int cruyce des Heeren siet
Het staet totten Galaten int seste ghepresen
Ga naar margenoot+
Is Christus thooft selfs niet
Als Lucas hoort mijn liet
Ga naar margenoot+
Int vierentwintichste bediet
Dan door lyden ghegaen is int shemels wesen
Aldus moeten nv na gaen
Sijn leden wilt diet verstaen
Want ons Christus selue gaet leeren
Dat die knecht niet meerder en is dan sinen
Heeren.
Troost v met Godt en dit versint
Dat hy castijt die hy bemint
Ia gheeselt sinen soon ofte kint
Eer dat hy hem wilt ontfanghen
Als nv die castijnghe compt ontrint
Soo weet dat ghy sinen sone bint
| |
[Folio F8r]
| |
Totten Hebreen ist gheprint
Int twelfste hoort toch na minen sanghe
Ga naar margenoot+
Elcken sone die de Uader castijt
Wie nv gheen castydinge en lijt
Die si alle deelachtich waren
Dat en zijn geen rechte sonen maer bastaren.
Mer laet ons lyden om dwoort Gods hier
Want om Gods wille ist beter manier
Dan om het quaet te lijden fier
Alsser staet in Petrus int derde
Ga naar margenoot+
Want Godt ondersoect ons altijt schier
Met druck veruolghinghe oft vier
Aenhoort toch dit bestier
Oft wy oock in hem sullen volherden
Die nv volstantich blijft fijn
Die sal dan salich zijn
Matheus int vierentwintich gaetet verclaren
Ga naar margenoot+
Dus laet ons hierom stryden allegaeren.
Al worden wy veruolghet swaer
Wy lijdent al tis openbaer
Men lastert ons hier en daer
Mer wi bidden alser staet totten Corinten vier
Ga naar margenoot+
Cruys dunct die verloren worden claer
Een soetheyt alst oock blijckt voorwaer
Maer tis die Christen schaer
Oft die salich worden een cracht Gods hier
Alsmen vint gheschreuen staen
Corinten int eerste saen
Ga naar margenoot+
Actum veertienste dat doet ons blijcken
Ga naar margenoot+
Dat wi door veel verdriets moeten gaen in Gods
rijcke
Dat Rijcke der hemelen lijt ghewelt
Wie daer ghewelt om stelt
Die crijghet onvermelt
Matheus int elfde daer moechdijt vinden
Ga naar margenoot+
Wie tcruys des Heeren tonderuelt
Oft daer niet van en helt
Die wort voor Godt als niet ghetelt
| |
[Folio F8v]
| |
Als Matheus ons int tiende gaet ontbinden
Ga naar margenoot+
Wie om dwoort Gods niet en haet
Sijn goet en leuen niet en versmaet
Die en mach niet wesen Gods kint
Lucas int veertienste dat ghijt claer vint
Ga naar margenoot+
Al is die weerelt nv soo bly
Laet ons met God onsen Prince vry
Lyden een weynich ghestry
Hier na sullen wy verblyden met den Heer
Een vrouwe in deser tijt sien wy
Heeft groote smerten pijnen en ghely
Eer dat si baert hoort my
Maer als si ghebaert heeft
En ghedenct si die pijn niet meer
Soo salt met ons oock zijn
Ioannes sestien staghet fijn
Ga naar margenoot+
Romeynen int seuenste staet sonder swijcke
Ga naar margenoot+
Dat ons lijden by Gods glorie
Niet en is te ghelijcken.
|
|