Veelderhande schriftuerlijcke liedekens

47. Na die wijse. Babel is nv gheuallen.

GHy Adams generacie
Ghy hebt een cleyne cracht
Compt nv tot deser spacie ⁺
Uerwint des vyants macht
Door Cristum alleen//den warachtighen steen ⁺
Der Propheten en Apostelen gront ⁺
Dus wilt hem vast betrouwen
Ende blijft in zijn verbont.

Uerblijt v o Syon ghepresen
U bruydegom is bereet

+ Apo.iij.

+ Eph.ij.

+ Mat.xxi.

[fol. F6v]

 

Wt Iesse is hy gheresen ⁺

 

Een licht ter weerelt breet ⁺

 

Twarachtich broot//wt tvaders schoot ⁺

 

Dat is ons leuen claer

 

Hy heeft die doot verwonnen ⁺

 

Het licht compt openbaer. ⁺

 

 

 

Looft Godt en prijst hem seere

 

Ghy Iacops wormkens cleen ⁺

 

En neempt van hem gheenen keere

 

Hy heeft ons ghewasschen reen

 

Met zijn bloet voort//doort water int woort ⁺

 

Sijn ghemeente alsomen leest ⁺

 

Sijn lichaem zijn leden teere ⁺

 

Hy ist diet al gheneest.

 

 

 

O Israel wtuercoren

 

Neempt uwen roep nv waer

 

En wilt die stemme nv hooren

 

Die tot v roept eenpaer

 

Uoor v is gheset//hier wel op let

 

Doot ofte leuen present ⁺

 

En wilt niet murmureren

 

En zijt doch niet verblent. ⁺

 

 

 

Doet op v ooghen al tsamen

 

Ontsprinct nv wt den slaep

 

Tis nv den tijt bequame ⁺

 

Wort nv een Christen knaep ⁺

 

Een nieu creatuer//van sonden puer ⁺

 

Herboren in eenen gheest ⁺

 

Door tghehoor der schriftueren

 

Smaect nv wel desen keest.

 

 

 

Ureest niet ghy teere leden

 

Al schijnt ghy verlaten te zijn

 

Al zijt ghy nv vertreden

 

Ick sal v verlossen wter pijn

 

In weynich ghequelt//in vruechden ghestelt

 

Noyt ooghen en hebbent ghesien ⁺

 

Wat God huer gaet gheuen

+ Esai.xi.

+ Io.viij.

+ Ioan.vi.

+ ij.Tim.i.

+ i.Ioan.ij.

+ Esai.xli/

+ Apoc.i.

+ Ephe.v.

+ i.Cor.xij.

+ Eccl.xv.

+ Nu.xiiij.xxi.

+ Eph.v.

+ ij.Cor.vi.

+ Gal.vi.

+ i.Cor.xij.

+ i.Cor.ij.

[fol. F7r]

 

Die hem hier nv belyen.

 

 

 

Blinckende cleederen reene ⁺

 

Worden haer ghetrocken aen

 

Salich zijnse die hier weenen ⁺

 

En die op den berch Syons staen ⁺

 

Sy werden ghecroont//met vruechden gheloont ⁺

 

Haren Sabooth is nv hier by

 

Haen strijt die is ghestreden

 

Tlams bloet dat maect haer vry. ⁺

 

 

 

Broeders van Christus seden

 

Bidt voor my tot alder tijt

 

Soe doe ick in alle ghebeden

 

Uoor v sonder respijt

 

Ueel leden versaemt//een lichaem ghenaemt ⁺

 

Oorlof hier mede het ent

 

O Heere maect doch veerdich

 

Uwen naem door my bekent.

+ Apo.vi.

+ Luc.vi.

+ Ap.xiiij.

+ iiij.Es.ij

+ Apo.vij.

+ i.Cor.xij.