Veelderhande schriftuerlijcke liedekens(ca. 1552-1554)–Anoniem Veelderhande schriftuerlijcke liedekens– Auteursrechtvrij Vorige Volgende 46. Een ander. EEn eewighe vruecht die niet en vergaet Compt my altijts te voren Dat is den Heere mijn toeuerlaet Die my zijn stemme laet hooren Dan heb ic sulcken vruecht//mijn hert dat is verhuecht Als hy mi comt beschouwen//den Heere duer sinen gheest Weert van my alle tempeest Op hem alleene staet mijn betrouwen. Noyt meerder vruecht in mi en was Dant nv is tot desen tiden Mijn trueren vergaet my alsoo ras Godts woort doet my verbliden Als ic dincke om tewich goet//dan crijge ic sulcken moet Ic en cans niet vertellen//van vruechden en Iolijt En vindick gheenen strijt Al eest dat si my quellen. Te rechte heeft wel die Heere gheseyt Ick en sal v gheen weesen laten Ick maecke voor v die woonstadt bereyt [Folio F5v] [fol. F5v] Die hier mij niet en versaeckt Maer die mi hier belien//die sal ick tot allen tien Belijden alle gadere//voor minen hemelsche vadere En vreest niet ghy cleene schaer Ick ben alleene uwen ontladere. Hoe sou ick mueghen zijn beswaert Als ick sulcken troost vinde Dat hi mi als zijn oogheappel bewaert Segghende mijn beminde Mach een moeder huer eyghen kint Uerlaten dit wel versint//al waert dat zijt ooc dede Ic en sal v nummermeer//verlaten doet na mijn leer Maer bringhen in des hemels stede Al sulcken troost hebbe ick ontfaen Gheen vreese en compt mi aen Dat heeft de liefdes des Heeren ghedaen Met sinen soeten vermaen Nv en vrees ick sweert noch gloet Daer af danck ic den Heere goet//dat hi mi so comt stercken Die op den Heere betrout//veel vruecht dat hi aenschout Soo Godt in hem comt wercken. Het werck Godts en wort niet ghesien Met vleeschelijcke ooghen Het moet al in den gheest gheschien Anders en macht niet dooghen Soo wie hier om arbeyt//tes al verlorenheyt Sy moeten eerst herboren wesen Duer water geest en vier//al naer Christus manier In een nieu leuen zijn verresen. Gheen menschen en cunnen dit gheuroen Sy moeten haer eerst bekeeren En haer goet duncken van huer doen En volghen twoort des Heeren//so Cristus segt voorwaer Wilt my yemant volghen naer Die moet hem seluen eerst versaken En met zijn Cruyce vrij//wt liefden volghen my Die waerheyt sal hy smaken. [Folio F6r] [fol. F6r] Als ick in mijn verantwoorden stont Voor Heeren en valsche Propheten Doen gaf my die Heere wijsheyt in den mont Onderkennende haer secreten//daer si tvolc mede verleen Betoechde ic haer al gemeen//die daer by mi saten int ronde Ick vraechde die Gods kinderen fijn Moeten si alle Gheestelijck zijn Sy seyde Iase met haren monde. Hoe compt dat ghy v Gheestelijck heet En dandere wereltsche scharen Doen toochdick haer met woorden breet Dat si secren waren, Cristo sprac vaet mijn bediet Voor de weerelt en bid ick niet Maer voor die ghy mi hebt ghegheuen Want si ooc niet en zijn, van der weerelt so ic en bin Daeromme worde si verdreuen. Dus bid ick alle vrome lien Die daer de duecht hantieren En wil niet op die groote hoopen sien Met al huer quay manieren, want in Esdras vint men staen Datter veel meer sal vergaen Dan datter behouden sullen wesen Gelijc die groten vloet, meerder is dan die drupelen soet Dits Gods woort hooghe ghepresen. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij