Veelderhande schriftuerlijcke liedekens

44. Na die wijse. Van Hensburch.

ELck wil hem bedincken
In desen elendighen tijt
Wacht v voor droncken drincken
Soo wie dat ghy zijt
En wilt niet drincken in die nacht
Al op des Heeren compts hout wacht
Wat gaet die schriftuere belijen
Een dronckaert en sal niet bedijen.

Noe plante de wijngaert rancke
Soo Genesis ons vertreckt ⁺
Daer hy soo veel af drancke
Soo dat hy lach ontdeckt
Ende Lot verstaet de redene mijn ⁺
Die sliep by die dochteren zijn
Uol wijn was hy ghedroncken
Doen Sodoma was versoncken

{H3}Nabal die liet hem dienen ⁺
Een dronckaert alsoo ick las
Die kanne al tusschen zijn beenen
Hoe vrecke dat hy was
Al duer zijn dronckenschap onwijs
Soo weygherde hy Coninck Dauid spijs
Dat hy niet en worde bestreden
Dat heeft Abigael verbeden.

Elck wacht hem voor sondich sneuen
Hier onder des hemels troon ⁺
Amon liet oock zijn leuen ⁺
Al wast een Conincks Soon
Ende Ela Coninck in Israhel
In dronckenschap maecte hy quaet spel
Ueel houerdye ghinck hy vermeten
Ende doen worde hy doot ghesmeten.

Den groeten Coninck Alecxsander
Die sloech zijnen meester doot

+ Gene.

+ Gene.

+ Regum.

+ Regum.

+ Regum.

[fol. F4r]

 

[Kordolamoor] ende meer ander

 

Twas al in dronckenschap groot

 

Ende Symon Machebeus mee ⁺

 

Olyfaernus lach al voor een stee

 

Al daer ghinck hem ontliuen

 

Iudit die fluer van wijuen. ⁺

 

 

 

Roept Heer compt mijn te baten

 

Tot den Prince in des hemels tent

 

En drinckt doch al by maten

 

Dat ghy v Heere bekent

 

Verstaet doch Paulus reden wel

 

Wie droncken drincken in ouerspel

 

Dats hier ter weerelt leuen

 

Die worden van Godt verdreuen.

+ Macha.

+ Iudith.