Veelderhande schriftuerlijcke liedekens (ca. 1552-1554)

Veelderhande schriftuerlijcke liedekens

(ca. 1552-1554)–Anoniem Veelderhande schriftuerlijcke liedekens– rechtenstatus

Auteursrechtvrij

Vorige Volgende


43. Na die wijse. Een meysken heb ick soo seer bemint. Een nieu liet heffen wy an Hoort toe ghy Christenen allen Uan onsen eersten Uader Adam Hoe dat hy is gheuallen Ga naar margenoot+ Sijn eyghen wijsheyt heeft hem bedroghen Hy heeft gheuolcht zijns selfs raet Een mensche die op hem seluen staet Gods gheest wort hem ontoghen. Adam was binnen der Paradysen Ga naar margenoot+ Ghestelt van onsen Heere Godt Den boom des wetenscaps ghinck hy hem wysen En hy gaf Adam een ghebot Dat hy daer af niet en soude eten Adam vernam duer des duyuels raet Dat hy soude weten goed ende quaet Doen heeft hy in den appel ghebeten. Adam is van Gods woort gheweken Ende alsoo in sonden ghecomen Doen heeft hy bekent zijns selfs ghebreken Ende heeft vijch bladeren ghenomen Maer ten mocht hem gheenen troost gheuen Sijn herte dat bleef altijt verstoort Want alleen by des Uaders woort Daer moet die siele by leuen.
[Folio F2r]
God die niemant begrypen en can Die hadde den mensche seer wtuercoren En sach alle de kinder van Adam an Dat si moesten zijn verloren Doen heeft hy hem een belofte ghegheuen Dat si noch een saet souden crijghen Dwelck des duyuels hooft noch sal doer ryghen Daer zijn si vast op ghebleuen. Die Uader heeft die bruyloft bereyt Om ons sinen sone te gheuen Die liefde die hy tot ons leyt Heeft hem daer toeghedreuen Dat hy ons voor zijn Bruyt wil trouwen En maken ons alle zijn goet ghemeyn Door tghelooue moet dit gheschien Dat wy zijn beloeften houwen. Christus is wt zijn glorie ghegaen En is inden vleesche ghecomen En heeft die Wet voor ons voldaen Dus en mach ons niemant verdoemen Wy waren daer aenghebonden Want si en heeft ons niet meer ghegheuen Maer Christus die heeftse nv opghegheuen) Dan kennisse van onsen sonden. Ghelijck wy alle duer Adam steruen Als Paulus heeft bescreuen Soo worden wy nv door Christus eruen Kinderen van dat eewighe leuen Wy zijn door hem ghenesen Door Adam is die sonde ghecomen Christus die heeftse weder wech ghenomen Laet ons dancbaer wesen. Christus heeft doch selue ghesproken Eer dat hy ontfinck zijn wonden Dat zijn lichaem sou worden ghebroken Ende ghegheuen worden voor onse sonden Ende mijn bloet wil ick v schincken
[Folio F2v]
Dit is eenen put vol ghenaden Soo wie zijn siele nv wil versaden Hier wt soo moet hy drincken. Door Christum alleen moeten wy bestaen Totten Uader te vergaren Die van elders in zijn rijcke willen gaen Dat zijn dieuen ende moordenaren En laet v dit cleyn oock niet beroouen Die sone des menschen moest zijn verheuen Op dat si alle souden hebben dat leuen Die in sinen naem gheloouen. Wy zijn niet verlost door siluer oft gout Maer door tbloet ons Heeren Ga naar margenoot+ Hemel ende aerde is in zijn ghewout Wat zoude hy van ons begheeren Wort die hemel voor wercken verworuen Soo coempt die rechtuaerdicheyt door die Wet Uan Christo en hadden wy dan niet te bet Ende waer te vergheefs ghestoruen. Door tgelooue zijn wy in Cristo rechtueerdich Ende niet door onse wercken Maer van ons seluen zijn wy Gods onweerdich Op ons en soude Godt niet mercken Maer in sinen sone heeft hy behaghen Hy is sonder onse verdienst tot ons ghecomen En heeft onse sonden op hem ghenomen Ende is aenden cruyce gheslaghen. Niemant en mach tot Christum comen Ten waer hem van God ghegheuen Niemant en wil hem van sinen gelooue beroemen Maer bewijst v ghelooue metten leuen En volcht wel na Christus exempel Leert v seluen altoos versmaen Ende wilt altoos op Christum staen Sulcken hert is recht eenen Gods tempel. Laet ons God louen na zijn gheboden En niet den menschen aencleuen
[Folio F3r]
En wilt niet aenbeden vreemde Goden Want si en moeghen v niet gheuen God heeft zijn heylighen in grooter weerden Maer wy en hebben niet dan Iesus naem Daer wy salicheyt door moghen ontfaen Inden Hemel noch opter aerden. Met ons menschen malcanderen vereenen Ende altoos liefde bewysen Weduwen ende weesen bystant verleenen Ende mildelijck den armen spijsen Wilt alle misdaet vergheuen Al hebben wy ghesondicht totter doot Gods bermherticheyt is soo groot Ghy sult comen int eewich leuen. Och Cristenen als ghy van hier moet gaen Uoor wilt ghy doch vreesen Christus sal voor sinen Uader staen Om v voorsprake te wesen Want hy heeft selue ghesproken Compt alle tot my die beladen zijt Ick sal v maken al sonden quijt Ga naar margenoot+ En wilt gheen ander soecken. Ick bidde v alle Christenen fijn Wilt aen Gods woorden cleuen En schout quade leeringhen als fenijn Oft ghy wort daer duer vergheuen Aenden Phariseus neempt exempel Uan opgheblasentheyt ghinck hi hem beroemen Ga naar margenoot+ Ende ginck den Publicaen verdoemen Die achter lach inden tempel. Die dit Liedeken heeft ghemaeckt God wil hem zijn gratie gheuen Dat hy niet tot houerdie en raect Want daer om zijn verdreuen Die Enghelen wt Gods rijcke En Dauid is daerom gheplaecht Ga naar margenoot+ En Adam wten Paradijse gheiaecht Ga naar margenoot+
[Folio F3v]
Met sinen kinderen alleghelijcke.	margenoot+ Gen.ij. margenoot+ Gene.ij. margenoot+ i.Pet.i. margenoot+ Matt.xi. margenoot+ Lu.xviij. margenoot+ Regum margenoot+ Gene.iiij.

Vorige Volgende

Over dit hoofdstuk/artikel

lied

Naar de Nederlandse Liederenbank