Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij34. Na die wijse. Ey out grijsaert.DIe Propheet is ons verhalich//fijn
Door hem hebben wy verstant gecreghen
Hy seyt willen wy salich//zijn
Totten boosen maeckt gheen weghen
Noch by den spotters zijt niet gheleghen
Onseker is haerlieder wet beraest
Die daer toeuerlaet op waent beteghen
Uoorwaer hy is verdwaest.
Al op die Wet des Heeren acht
Soo sal v salicheyt multiplieren
Sijt daer met becommert dach ende nacht
Ghy ghelijct den boom aenden riuieren
Ga naar margenoot+
Die vruchten brengt menighertieren
Een blat en sal daer niet vergaen
Als dander verbrant zijn metten viere
In vruechden suldy dan ghebloeyet staen.
| |
[Folio E3r]
| |
Die sonder Wet leeft onbedraeyt
God sal hem van zijn rijcke schueren
Licht als den wint tsant op waeyt
Ga naar margenoot+
Den godlosen hem sal ghebueren
Sy sullen vergaen in corter vren
De ouertreders werden dan gheschent
By den goeden connen si niet ghedueren
Want si en hebben Godt niet ghekent.
O Israel weest nv verblijt
Ghy hebt eenen ghenadighen Heere
Slaet v handen tsamen maeckt iolijt
Tot Iacops Godt een elck keere
En singt hem lof, sonder cessere
En na zijn wet wtvercoren//leeft
Soo en sal v God laten nemmermeere
Inder eewicheyt hy dat ghesworen//heeft.
Och Israel dits mijn ghebot
Gheuet ghehoor, elck dat onthouwe
En achtet op gheen vremde God
Noch en maeckt gheen beelden van Siluer oft van Gouwe
Aenbidtse niet, noch ick v ontvouwe
Wat dat Ieremias leert
Als ick mijn volck castiden souwe
Totten afgoden zijn si ghekeert.
Die waerheyt wilt voor eenen Prince
ontfaen
Schriftuerlijck can si dit Liet betoghen
Den sone is van sinen Uader ghegaen
Maer dese afgoden hebben ons bedroghen
Sy en sien noch en hooren al hebben si ooghen
Leeft Danielem arm ende rijck
Die dese beelden maken ende te aenbidden
poogen
Sy sullen te samen vergaen ghelijck.
|
|