Veelderhande schriftuerlijcke liedekens(ca. 1552-1554)–Anoniem Veelderhande schriftuerlijcke liedekens– Auteursrechtvrij Vorige Volgende 33. Na die wijse. Mijn sinnekens zijn my ontoghen. DIe weerelt heeft my bedroghen Des lijdt mijn herteken groote pijn En van die waerheyt ghetoghen Dies mach mijn siele wel droeuich zijn Mijn conscientie gaet mi quellen Ick ben in grooten noot Want alle creatueren Gods vertellen Dat my slaet die wet ter doot. Ick mach wel suchten ende kermen Opt verbeyde van mijnen Godt Tot dat hy mi eens wilt ontfermen Och die weerelt heeft mi bespot Dies wilick mijn bedden v wasschen Met tranen op elcken nacht Ende eten mijn broot in asschen Gods wet beneemt mijn cracht. [Folio E2r] [fol. E2r] Ick wil ouerdencken alle mijn iaren In grooter bitterheyt Hoe ick hem heb laten varen Die my den hemel heeft bereyt Ick heb die creatueren voor hem vercoren Mijn hert ghetuycht teghen my Die wet oordeelt my verloren Doot ende verdoemenis is bi mi. Ick ben ghecroont al totten inde Al mijn ghebeenten zijn ghestoort Helpt Heere in deser alinde Eer dat mijn siele versmoort De wateren staen aende kele Uwen thoren is den swaersten last Mijn vianden zijn seer vele Och Heere helpt eer de doot mi verrast. De doot is mijn gheselle Mijn bedde en vertroost mi niet Mijn siele leyt inder helle Midts droomen crijcht mijn hert verdriet U pijlen hebben my doorsteken U weldaet mijn siele verschrickt Laet v ghenade mi niet ghebreken Eer dat mijn arme siele verstickt. Mijn vrienden zijn mi teghen Uan der weerelt wort ick versmaet Mijn vianden hebben oorsaeck ghecreghen Sy veruolghen mi met nijdighen haet Ick ben mijn ghebueren tot twiste Troost mi mijn Heere mijn Godt De viant veruolcht my met liste Gheeft dat ick mach houden v ghebot. Heere hoe moecht ghi mi dus veruaren Ghy kent wat ghy mi hebt ghemaeckt Wilt v beloofte mijn siele verclaren Dat mijn gheest die gratie smeeckt Want si zijn al af gheweken [Folio E2v] [fol. E2v] Niemant en doeter goet Ghy kent Heer mijn ghebreken Ick valle v Heer te voet. Ick screy met Magdaleene Met Petrus claech ick seere En met Cananeescher vrouwe reene Bidde ick ghenade lieue Heere Metten Moordenaer aent cruys verheuen Soo bekenne ick mijn misdaet Och Heere wilt my mijn sonden vergeuen U verloren kint doch ontfaet. Gheeft mi Heere die crachten Dat ick de sonden mach wederstaen Soo wil ick op v ghenade wachten Ende mijn cruys met blijschap ontfaen Als een nacht raue wil ick my houwen Eewich als een Pellicaen En op v Heere alleen betrouwen Tot dat ghy mijn siele sult ontfaen. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij