Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij32. Een ander.DIe Heere is die herder mijn
En my en sal ghebreken niet
Hy laet my weyden sonder pijn
In volder weyden sonder verdriet
Sijn godlijcke gonste hy mi altijt biet
En maect ons doer sinen gheest bequaem
Sijn ooghe op ons allendeghe siet
O God gheheylicht is uwen naem.
Ga naar margenoot+
Hy vermaert mijn siele door sinen raet
Om zijns selfs wille alsoo hy seyt
En leytse op die gherechtighe straet
Want hy is ons gherechticheyt
Door hem seluen heeft hijt ons al bereyt
Dat hy uwen tempel heeft afghegaen
Dus is te recht van ons verbreyt
O God gheheylicht is uwen naem.
Ga naar margenoot+
Al wandel ick in een duyster dal
Soo en vreese ick niet tot gheender tijt
Want ghy eenen stock zijt voor mijnen val
Ghy Heere eewich ghebenedijt
Den hemel is v al is hy wijt
In alle die eerde en is gheen raem
| |
[Folio E1v]
| |
Dies wort te recht van ons belijt
O God gheheylicht is uwen naem.
Ga naar margenoot+
Aen tafel brengdy my Heere God
Teghen alle mijn vianden int openbaer
Mijn herte luystert na v ghebot
Dat ghy ons schenct seer claer
U goetheyt door gratie gaet ons naer
Al mijn leuen dat is befaem
Nemet broeders voor blyde maer
O God gheheylicht is uwen naem.
Ga naar margenoot+
Ghi Princelijcke broeders weest hem niet
rebel
In allen v wercken zijn woort aenhoort
Blijft in zijn huys soe doedy wel
Ghelooft in hem met recht accoort
Leeft rechtueerdich onghestoort
En loopt niet inder briesschen haen
Al hebben de sommighe zijn woort misboort
Ga naar margenoot+
O God gheheylicht is uwen naem.
|
|