Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij22. Na die wijse. Sijt onbeureest//ghy Capiteynen meest.BRoeders hebt doch moet
Al soecktmen hier der onnoselen bloet
Te storten om de waerheyt soet
Al zijn si hier gheacht seer onvroet
Ia ghetorden onder de voet
Al werden die onnosele nv gheplaecht
Uanden boosen menschen onuersaecht
Dat spel sal saen ommekeeren
| |
[Folio D1v]
| |
Want soo de wijsen man ghewaecht
Sy sullen sien staen die si hebben veriaecht
Ga naar margenoot+
Met betrouwen by den Heer der Heeren.
Dan sullen si eerst
Uan benautheyt des gheest
Segghende siet die wy met groote tempeest
Ga naar margenoot+
Hebben verdruct meest
Nv staen si by Gods kinderen ghetelt
Die wy hier dooden met ghewelt
En achten haer leuen raseryen
Dese zijnt die wy hebben ghequelt
Ende met nijde ter neder gheuelt
Nv siet men se verblijen.
Het blijckt voorwaer
Dat wy weghen swaer
Hebben ghewandelt maer
Wy zijn ghedwaelt den wech eenpaer
De sonne der waerheyt claer
En is ons noyt opghegaen
Wy zijn moey gheworden hoort dit vermaen
Inden wech der verdoemenissen
De waerheyt en hebben wy noyt verstaen
Dies sullen wy deeuwighe doot ontfaen
En Gods blijschap missen.
Wat hebben ter noot
Al ons rijcdommen groot
Ghebaet al in die doot
Want ghelijck den pijl die een sterck schutter schoot
Snel vliecht duer de locht bloot
Eer subyter dan den roock vergaet
Soo is al ons macht eer ende staet
Uergaen ghelijck der schouwen
Wy ontsinnighen menschen quaet
Ga naar margenoot+
Hebben gheuolcht des duyuels raet
Nv blyuen wy in rouwen.
Sulcke woorden fijn
Sullen op dat termijn
| |
[Folio D2r]
| |
Spreken die inder hellen zijn
Wy zijn vergaen snelder dan den Rijn
Nv blyuen wy int ghepijn
Maer die wy hielden voor dwase lien
Moeten wy byden Heere sien
Als der sonnen strael blincken
Ga naar margenoot+
Haer en sal gheen droefheyt gheschien
Want haer vyanden heeft God doen vlien
Niemant en machse crincken.
Och alder hoochste Princhier
Ghy die de wet al hier
Beproeuen wilt int vier
Als wy zijn benaut of in eenich dangier
Soo roepen wy tot v schier
En ghy helpt ons in corter tijt
Want ghy doet recht, die hier onrecht lijdt
Dus en vreest gheen tribuleeren
Hy heeft ons ghestelt hier inden strijt
Wie dat verwint hy sal subijt
Met den Heere triumpheren.
|