Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij11. Een ander.AEnhoort o Godt mijn suchten en kermen
Alle mijn ghebeenten zijn onghesont
Ga naar margenoot+
Berout en verrot, O God wilt mijns ontfermen
Inwendich ben ick totter doot ghewont
Och Godt verhoort my nv terstont
En maeckt my dijnen Goddelijcken wille cont
Thoocht in my v ombegrijpelijcke ghenaden
Die ghy den bedructen sondaren doet
Och Godt verlost my van allen quaden
Want v bermherticheyt is eewich goet.
Bedroch benaut och God wilt my aenhoren
Want ick ben v hantwerck van v ghemaeckt
Therte verflaut, maeckt my dijn wtuercoren
| |
[Folio B7v]
| |
Al ben ick O God van duechden naeckt.
Doet dat mijn herte in v liefde blaeckt
Ende dat uwen geest in mijn binnenste daeckt
En rekent niet mijn groote misdaden
Oft ick moet al in der hellen gloet
O God verlost ons van allen quaden
Ga naar margenoot+
Want v bermherticheyt is eewich goet.
Die weerelt heeft my heel versteken
Om dat ick v lieuer hadde dan haer
Godt staet my by doet therte van my spreken
Minen mont sal belijden v cracht een paer
Wast wt alle mijn ghebreken swaer
Treckt my dat ick v mach volghen naer
Mijn hongerige siele wilt met v woort versaden
Soo dat ick mach leuen by v vruchten soet
O Godt verlost ons van allen quaden
Ga naar margenoot+
Want v bermherticheyt is eewich goet.
Hoe swaer en scherp snijt den bant duer tlange
dueren
Och God v roede proeft my wel
Mer God ghy zijt by hem lieden die trueren
Inden tijt des noots treckt ghy wt ghequel
Salich zijnse die v niet en zijn rebel
Met louenende dancken uwen name snel
Ghelijck in den hemel als in deertsche paden
Uader uwen wille gheschieden moet
O Godt verlost ons van allen quaden
Ga naar margenoot+
Want v bermherticheyt is eewich goet.
Dat v mishaecht in my wilt dat wt planen
Enicheyt in my eenen nieuwen gheest
Ghy ionste draecht al die v woort vermanen
Ghy en sultse niet laten O Godt beureest
Maer beschermen voor des doots tempeest
Ghy hebt ons gheopent dijns hertsen keest
Ghi zijt ons toeulucht o God wilt ons beraden
Op al in al sidy alleene vroet
O Godt verlost ons van allen quaden
Ga naar margenoot+
Want v bermherticheyt is eewich goet.
| |
[Folio B8r]
| |
Ick bidde v hier Uader ic arm geuangen
Dat ghy my nv terstont by staet
Seer goederthier zijt ghy toet mijn verlangen
Den pul des doots heeft my omuaet
Den goddeloosen vyant soect scherpen raet
Om my te benauwen niet zonder daet
Om cleyne cause soecken si my te schaden
Stort in my dijnder ghenaden vloet
O Godt verlost ons van allen quaden
Ga naar margenoot+
Want v barmherticheyt is eewich goet.
Oorlof hier mede blijft al in God gepresen
Ende en wilt hem nemmermeer afgaen
Typeren inder siele daer ick was verwesen
Men sach my daer mijn hooft afslaen
Tghemeynte was met compassien beuaen
Ende weenden soo menighen bitteren traen
Al voor mijn arm siele als dat si baden
Om dat si besitten soude Gods rijcke soet
Och God verlost ons van allen quaden
Ga naar margenoot+
Want v bermherticheyt is eewich goet.
|
|