Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij10. Na de wijse: Adieu ick moet v laten.AEnhoort ghy menschen opter aerden
Ga naar margenoot+
Die van Godt gheschapen zijt
Wilt nv Gods woort aenueerden
Betert v leuen tis meer dan tijt
Want die vijle, hier wel op let
Ga naar margenoot+
Is aen die wortel der boomen gheset
Ga naar margenoot+
Daerom elcken boom die hier
Gheen goede vruchten en brenghet met
Sal worden afghehouwen net
Ende gheworpen int eewich vier.
Compt tot my om te drincken
Ga naar margenoot+
Al die met dorste zijt belaen
Ga naar margenoot+
Om niet sal ickt v schincken
Wijn en melck om te versaen
Wie in my ghelooft certeyn
Ghelijck die schriftuer tuycht ghemeyn
Uan diens lijf zullen vloeyen soet
Uloeden des leuende waters reyn
Dit sprack Christus vanden gheest alleyn
Ga naar margenoot+
Die si ontfanghen souden met ootmoet.
Ick ben spreeckt Christus verheuen
Die verrisenisse en dleuen bloot
Ga naar margenoot+
Wie in my ghelooft die sal leuen
Ende niet sien den doot
Ende soo wie daer leeft
En in my gheloouet heeft
Die en sal niet steruen eewelijck
Maer wie in mijn geboden sneeft
En hem daer niet toe en begheeft
Die sal deruen mijn eewich rijck.
Ga naar margenoot+
Den wech die is seer inghen
Die daer totten leuen leyt
Ga naar margenoot+
Weynich zijnder die daer door dringhen
Ga naar margenoot+
Soo Christus ons claerlijck seyt
| |
[Folio B6r]
| |
Maer den wech die is seer breet
Die daer totter hellen leet
En veel zijnder die daer op gaen
Want si niet en bekenden tsecreet
Uanden Heere diet al regeert
Ga naar margenoot+
Daerom sullen si loon na wercken ontfaen.
Ga naar margenoot+
Christus haet ons oorboren
Ga naar margenoot+
Ende spreeckt met woorden fijn
Datter weynich zijn wtuercoren
Maer veel die gheroepen zijn
Ga naar margenoot+
Soo wie dat hem niet om en keert
Ghelijck een kint hem seluen verneert
Ga naar margenoot+
Ende van nieus gheboren wert
Die en sal niet worden gheordineert
Byden Heere maer zijn onteert
En sal ontfanghen die eewighe smert.
Ick danck v Uader ende Heere
Ga naar margenoot+
Des hemels ende der aerden vroet
Ga naar margenoot+
Sprack Christus in zijn leere
Dat ghy die verberghen doet
Uoor die wijse des weerelts groot
Die v dienen in eenen schijn deuoot
Maer ghy openbaert metter spoet
Den armen ende ootmoedighen bloot
Die v aenroepen in allen noot
Ia vader want dat is voor v goet.
Ick ben spreeckt Cristus ghepresen
Ga naar margenoot+
Dat licht der weerelt claer
Wie my na volcht sonder vreesen
Die en sal niet wandelen voorwaer
Inder duysternisse blent
Daermen my niet en bekent
Maer hy sal dat licht des leuens sien
Betert v leuen spreeckt Christus ient
Dat hemelrijck is v by ontrent
Ga naar margenoot+
Gheen tijt der boeten en sal hier na gheschien.
Ga naar margenoot+
Keert tot my altesamen
Ga naar margenoot+
| |
[Folio B6v]
| |
Spreekt Godt int openbaer
Ga naar margenoot+
Soo moecht ghy worden bequame
Ga naar margenoot+
Om te beeruen mijn rijcke claer
Ga naar margenoot+
Wilt aflaten van dat quaet
Ga naar margenoot+
En doet dat goet vroech ende laet
Ga naar margenoot+
Soeckt vrede tot allen tijden
En weest niet bedroeft noch desperaet
Al ist dat v die weerelt versmaet
Maer wilt v daer in verblyden.
Hoort seyt die Heere verheuen
Ga naar margenoot+
Mijn wtuercoren weest bereet
Want den dach is hier beneuen
Der tribulacie wreet
Maer van dien sal ick v saen
Uerlossen hoort doch mijn vermaen
En vreeset noch en wanckelt niet
Want ick die Heere sal v bystaen
Dat v gheen quaet en sal comen aen
Ende helpen v wt alle verdriet.
Salich soo sult ghy wesen
Ga naar margenoot+
Als ghy veruolghinge lijdt
Ga naar margenoot+
Om mijnen naem ghepresen
Ende haten v altijt
Ende lasteren v voor quaet
Daer aenlieghende metter daet
Wilt v verhueghen metter spoet
Want uwen loon dit wel verstaet
Sal wesen groot voor dien ontfaet
Uan minen vader inden hemel goet.
Want also hebben moeten lyden
Ga naar margenoot+
Alle die Propheten ient
Ga naar margenoot+
Die gheweest zijn voor uwen tyden
Ga naar margenoot+
Ende hebben minen naem bekent
Ga naar margenoot+
Sy zijn veruolcht met vier en swaert
En ghedoot van den boosen aert
Ga naar margenoot+
Ghelijck die scrift ghetuyghet vroet
Ga naar margenoot+
Daeromme en weest oock niet veruaert
| |
[Folio B7r]
| |
Als ghy minen naem verclaert
Maer troost v in mijn woorden soet.
Ghelijck ghy zijt deelachtich
Des lijdens ende teghenspoet
Ga naar margenoot+
Soo sult ghy worden veruult crachtich
Met troost ende worden behoet
Al voor die eewighe pijn
En verlossen v wt tlyden dijn
Dat den godloosen sal gheschien
Want haren worme op dat termijn
Ga naar margenoot+
Die en sal niet steruende zijn
Ga naar margenoot+
Noch haer vier gheblust na schrifts bedien.
Salich zijn si in desen
Die Gods gheboden houden altijt
Ga naar margenoot+
Want haer macht die sal wesen
Int hout des leuens wijt
Want si lieden sullen inghaen
Door die poorte des leuens saen
Want buyten zijn die honden quaet
Die toouenaers ende die doorslaen
Die hoeriagers en afgoden dienaers plaen
En die loghen beminnen metter daet
|
|