Veelderhande schriftuerlijcke liedekens

9. Na de wijse. Het was een Iode doch.

AL zijn v goeden hier cleene
Ghy kerstenen en weest niet veruaert
Troost v in Godt alleene ⁺
Want hy en ander gheene
Is die siel ende lijf bewaert.

Die haer tot ghiericheyt keeren ⁺
Sy doen Afgoderie ⁺
Want nyemant en mach twee Heeren ⁺
Seyt Christus wel dienen noch eeren
Die malcanderen zijn partie. ⁺

Waerpt in Godt al v sorghen ⁺
Hy sal v seyt Dauid voorsien ⁺
Sorcht heden niet voor morghen
Want wil ons Godt niet borghen
Wy en zijn niet versekert van dien.

Die voghelen wilt aenmercken ⁺
Vander locht minst ende meest ⁺
Sy en saeyen si en maeyen noch wercken
Godt voet se oorcondich den clercken
Waer vooren zijn wy dan beureest.

Ghy kerstelijcke sinnen

+ Psa.cxix.

+ ij.Cor.vi.

+ Ephe.v.

+ Col.iij.

+ Luce.xvi.

+ Matt.vi.

+ Psal.lv.

+ Matt.vi.

+ Luce.xij.

[fol. B5r]

 

Merckt doch die Lelien an

 

Sy en weuen noch si en spinnen ⁺

 

Maer in Salomons troon binnen

 

En was noyt huers ghelijck nochtan.

 

 

 

Gheeft alsulcke schoonheyt onghemeten

 

Dat heden is schoon ende blanck

 

Ende morghen inden houen wert ghesmeten ⁺

 

Hoe soude hy ons dan vergheten

 

Hoe blijft v ghelooue dus cranck.

 

 

 

O menschen broosch als scheruen ⁺

 

Wat mach v baten dat

 

Dat ghy crijcht al tswerels eruen

 

Als ghy laet v siele bederuen

 

Ende verliest den Hemelschen schat.

 

 

 

Int Euangelie puere ⁺

 

Staet van eenen rijcke Baroen

 

Die hadde sulck auentuere

 

Dat hy meerderen moest zijn schuere

 

Soude hy zijn vruchten in doen.

 

 

 

Aensiende al zijn tresoren

 

Tsauens als hy te bedde lach

 

Hy sprack o siele vercoren

 

Wilt nv solaes orboren

 

Want ghy hebt al datmen hebben mach.

 

 

 

Maer hy en heeft Gods voys ghepresen

 

Niet gehoort die daer riep o arm dwaes

 

U siele sal mits desen

 

Nacht noch van v ghenomen wesen

 

Uoor dit tijttelijck solaes.

 

 

 

Die doot die is ghecomen ⁺

 

Al inder seluer nacht

 

En heeft zijn siel wech ghenomen

 

Wat hielpen zijn rijcdommen

 

Ende daer toe zijn stercke macht. ⁺

 

 

 

Soeckt Godt in al zijn paden

 

Eest dat Godt ons bijstaet

 

Wie mach ons seyt Paulus schaden ⁺

+ Matt.vi.

+ Matt.vi.

+ Luce.ix.

+ Luce.xij.

+ Luce.xij.

+ Ro.xviij.

+ Ro.viij.

[fol. B5v]

 

Siel ende lijf sal hy versaden

 

Leeft altijt na sinen raet.