Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij8. Na de wijse Sy lieten my daer alleene staen.AEnsiet uwen roep altesamen
Lieue broeders en susters ghemeyn
Niet veel rijcke na tbetamen
Noch edel van state reyn
En zijnder gheroepen in shemels pleyn
Die lust hebben in die weerelt
En Gods woort achten soo cleyn.
Niet veel wijse na den vleesche
Ga naar margenoot+
En zijnder gheroepen voorwaer
Maer die arme zijn van gheeste
Ga naar margenoot+
Die sullen verblyden hier naer
En die versteken zijn hier en daer
Heeft Godt al wtuercoren
En wilt niet vreesen ghy cleyne schaer.
Ga naar margenoot+
Dinct hoe veel datter waren
Beurijt en behouden voor scha
| |
[Folio B3v]
| |
Doen Noe zijn achster ghinck varen
En die weerelt verghinck om die qua
Ga naar margenoot+
En als die vijf steden van Sodoma
Met den vier verghinghen
Ga naar margenoot+
En wasser maer drij door Gods ghena.
Ga naar margenoot+
Uan ses hondert duysent personen
En quamender maer twee int lant
Uan belooften seer schoone
Dat was seer triumphant
Ga naar margenoot+
Dwelck is een figuer vaet dit verstant
Al op dat eewich leuen
Dat eewich is en playsant.
Sy en waren niet al aenghename
Die met Gideon soude slaen
Ga naar margenoot+
Dan dry hondert eersame
Die wter haere lecten saen
Die beureest waren hietmen thuyswaert gaen
Want si niet en zijn bequame
Om teghen die vianden te staen.
Sacharias wilt dit mercken
Schrijft in zijn derthienste daer
Ga naar margenoot+
Dat Gods volck in twee percken
Sal ghestelt zijn tis openbaer
En dat derdendeel sal noch moeten voorwaer
Gheproeft zijn door den viere
Ghelijck dat gout moet zijn seer claer.
Een stadt vol goeder daden
Ga naar margenoot+
Wees den Inghel Esdras goedertier
En den wech van deser paden
Is maer een smenschen voet breet fier
Op deen si is water en dander si vier
Hoe condt ghy daer in gheraken
Ghy en doorgaet dat nauwe eerst hier.
Noch schrijft Esdras ghepresen
Ga naar margenoot+
Int vierde boeck int achste voorwaer
Datter vele gheschapen [sal wesen]
Maer weynich behou[den hier n]aer
| |
[Folio B4r]
| |
En ghelijck datmen vint veel eerde swaer
Den aerden vaten te maken
Maer lutter om gouden dits claer.
Ghelijck die groote vloeden al
Ga naar margenoot+
Meerder zijn dan een druppel soet
Soo is der goddeloosen ghetal
Meerder dan Gods kinderen goet
Och hoe claghelijck eest zijt dies wel vroet
O menschen wilt v bekeeren
Ende niet meer sonde en doet.
Oock spreeckt Christus verheuen
Ga naar margenoot+
Dat den wech is smal en cleyn
Ga naar margenoot+
Die daer leyt totten leuen
En lutter vinden hem certeyn
Dus wilt v maken van sonden reyn
En leuen na twoort des Heeren
Op dat wy comen by Christum ghemeyn.
Den wech is groot en wyden
Ga naar margenoot+
Die ter hellen leyt wilt dit verstaen
Sy gaen der waerts aen alle siden
Soe die schriftuere ons doet vermaen
Want die helle heeft haer wijt open ghedaen
Soo wy in Esayas lesen
Ga naar margenoot+
En veel zijnder die daer in gaen.
Noch stater claer wilt hooren
Datter veel gheroepen zijn
Maer weynich wtuercoren
Ga naar margenoot+
Spreeckt Christus verstaet wel mijn
Want si niet en trecken al eenen lijn
Maer beminnen die duysterheden
Meer dan die cloare sonne schijn.
Ga naar margenoot+
Schict v na die behoorte
Spreeckt die Heere verstaet dit al
Dat ghy al door die poorte
Ga naar margenoot+
Ingaet die daer is seer smal
Want daer vele na arbeyden sal
En sullender niet connen in comen
| |
[Folio B4v]
| |
Om dat si niet en zijn van tgetal.
Ga naar margenoot+
Tis tijt heeft Petrus gheschreuen
Dat doordeel ons sal comen aen
Ga naar margenoot+
Eest dat zijt hier hebben beseuen
Ga naar margenoot+
Die Gods kinderen zijn eersaem
Ia dat aen rechtueerdighen nau en sal staen
Int tboeck des leuens ghepresen
Hoe salt dan metten ongheloouighen gaen.
Broeders en susters reene
Bidt voor my soo doen ick voor dy
Op dat wy alle ghemeene
Moghen gaen door desen wech vry
Soo sullen wy hier namaels wesen bly
Als wy by een vergharen
Daer niet dan eewighe vruecht en sy.
|
|