Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij7. Na de wijse. Rijck God wie sal ickt claghen.AEnsiet die gheerne leeren
Ende die schriftuere verstant
Boosheyt informeren
Heeft nv de ouerhandt
Gods oordeel sal naken
Ga naar margenoot+
Als een dief soubijt
Wilt bidden ende waken
Weest op v hoede tis meer dan tijt.
| |
[Folio B2v]
| |
Wilt nv den slaep ontsluyten
Der sonden commen wt
Als alle die bloemkens spruyten
Soo naeckt des somers virtuyt
Wilt nv schriftuere lesen
Als ghy dees teeckenen siet
Gods oordeel moet v by na wesen
Dies en verschrickt v niet
Esaias prophetie
Dunckt my by na veruult
Den herder die is so blye
Die dat vette schaep heeft ghesmult
Dmagher schaepken wort gheschoren
Tot op sinen naesten draet
T'verstroyde schaep dat blijft verloren
Dat inder woestijnen gaet.
T'ghemeen profijt isser nv verdreuen
Die liefde wort gheheel veriaecht
Eyghen baet is ons ghebleuen
Daer soo menich man na vraecht
Tgheloof is oock gheleghen
Te bedde sieck en cranck
Die waerheyt wort ghesweghen
Fortse haelt nv prijs ende danck.
Die menschen vol abusen
Sy en vreesen voor gheen dangier
Sy timmeren groote huysen
Sy maken goede chier
Wye denckt op Noees ercke
Ga naar margenoot+
Daer hy hem heeft in ghesalueert
Alsoot doen ghinck te wercke
Salt zijn eer dit cesseert.
O Godt v hemelsche Uader
Die allen herten kent
Wy bidden v alle gader
Liefde in ons herte prent
Op dat wy niet en moghen hooren
| |
[Folio B3r]
| |
Gaet ghy vermaledijt
Want ghy hebt mijne wtuercoren
Met spijse noch drincke beurijt.
Dan sullen die quade spreken
Ga naar margenoot+
Wy en hebben v noyt ghesien
Hoe souden wy dan v ghebreken
Uan v connen belyen
Dan spreeckt die Heere vercoren
In mijnen naem soet
En blijft niet al verloren
Wat ghy den alder minsten doet.
Noch spreeckt die Heere verheuen
Ghy die my hebt ghespijst
Ghy sult met my eewich leuen
Compt hier in mijn logijs
O Heere wilt doch beraden
Ons arme sondaer bloot
Neempt ons toch in ghenaden
Door v vijf wonden root.
|