Veelderhande schriftuerlijcke liedekens


12. Een ander. AL doel ick inder wouden Elck heeft sinen tijt Waer sou ick my onthouden Waer ick Gods woorden quijt Nv spreeck ick als die bouden Al wordet van veel benijt Sijn woort blijft eewelijck sonder ophouden Dies heeft mijn herte iolijt. Nv laet ons eens ghedincken Wat ons van hem is gheschiet Die ons sinen soone ghinck schincken En verlosten ons gans om niet Ghy hadt moeten verdrincken Ga naar margenoot+ Ende danssen na Pharaons liet Al wil v die weerelt crincken Sonder hem zijn si als riet.
[Folio B8v]
Niemant en mach ons deeren Ga naar margenoot+ Is nv met ons die Heer Sijn woorden willen wy leeren En schouwen der menschen leer Een licht dat wy begheeren En worpen wy niet daer neer Ga naar margenoot+ Maer settent hooghe op met eeren Om datmen sou achten te meer. Al wil v de weerelt dwinghen En dreyghen met groot ghewelt Wilt den Heere altijt lof singhen Want v hayren zijn al ghetelt Niemant en mach verdringhen Een bloemken wt dat velt Ten is by Gods ghehinghen Aldus heeft hijt ghestelt. Dus Prinche en wilt niet beuen Als ghy lijdt om sheeren woort Wie vrolijck in Christo wil leuen Die moet veruolch hebben dit hoort Als Paulus heeft beschreuen Uerblijt v in des heeren woort Wat mach v die weerelt gheuen Als v siel in sonden versmoort.	margenoot+ Exodi. margenoot+ Ro.xviij. margenoot+ Mat.v.