Veelderhande liedekens, gemaect uut den Ouden ende Nieuwen Testamente

[Vleesch ende bloet comen mi nu bestrijden]

C Een ander.

^*VLeesch ende bloet comen mi nu bestrijden
Ende maken in my een seer groot tempeest
Door v liefde Heere doet my verblijden
Ende gheeft my uwen ghewillighen Gheest
So sal ick wesen, cloeck, stout en onbeureest
Ende niet achten wat my de werelt doet
O Godt helpt en troost my tot allen tijden
^†Want uwe bermherticheyt is eewich goet.

Al die mijn vrienden na de werelt hieten

Scheyden van my sonder aensien mijnen noot
Sy en schencken my niet dan swaer verdrieten
Bouen dien condemneren sy my ter doot
^‡Maer op hem stel ic al mijn betrouwen bloot
Die my can helpen, en troosten metter spoet
O Godt wilt my met v Liefde doorschieten
^*Want uwe bermherticheyt is eewich goet.

V woorden Heere blijuen eewich crachtich

* Gal. 5, 17.

† psa. 103, 17

‡ Psal. 7, 3 ende 16, 2. ende 18, 3. ende 31, 2. ende 71, 1.

* ps. 103, 17

[fol. 331r]

 

Tmoet so geschieden, want ghi hebbet voorseyt

 

Wie volghen sal uwe weghen waerachtich

 

Persecutie wert henlieden bereyt

 

^†Ghy geesselt hem meest die v alder best greyt

 

Maer de boose Werelt dit niet en gheuroet

 

O God wilt mijns wesen altijt ghedachtich

 

^‡Want uwe bermherticheyt is eeuwich goet.

 

^* So wie zijn cruyce niet en neemt volueerdich

 

Op sinen hals, ende my wil volghen naer

 

Die en sal mijns niet mogen wesen weerdich

 

Dit spreect Christus de ^† waerheit int openbaer

 

^‡De knape moet sinen Meester sonder vaer

 

Volghen, sal hy ontfanghen gratie soet

 

O God mijn lijden wilt toch maken heerdich

 

^*Want uwe bermherticheyt is eewich goet.

 

^† Wanneer de werelt sal wesen in vruechden

 

Dan sullen de kinderen Godts droeuich zijn

 

^‡Het salsommich duncken een werc van duechden

 

Alsmen haer aendoen sal druck ende ghepijn

 

Maer God sal verkeeren in corten termijn

 

Blijscap in rouwe, en druc in vruechden vloet

 

O God staet by ter werelt den misvuechden

 

^*Want uwe bermherticheyt is eewich goet.

 

O valsche werelt, van v wil ick scheyden

 

^†En trecken nae tnieu Jerusalem playsant

 

Wilt ghy Heere, so moecht ghy my bereyden

 

Mijn hope, mijn troost, mijn toeuerlaet, want

 

^‡Ghy hebt verwonnen de werelt triumphant

 

^*Doot, duyuel, helle, met alle haerlier gebroet

 

O God wilt troost op mijn veruolgers spreyden

 

^†Want uwe bermherticheyt is eeuwich goet.

† Pro. 3, 12.
Heb. 12, 6.
Apo. 3, 16

‡ ps. 103, 17

* mt. 16, 24
mar. 8, 34
Luc. 9, 23.

† ioan. 14, 6

‡ ioan. 12, 26

* psa. 103, 17

† ioan. 16, 20

‡ Joan. 16, 2

* psa. 103, 17

† Apo. 21, 2.

‡ Joan. 16, 33

* ose. 3, 14.
Heb. 2, 14

† ps. 103, 17