Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
AuteursrechtvrijC Na de wijse: Alst beghint.
Ga naar margenoot*VAder ons in Hemelrijck
Daer is gheen Vader ws ghelijck
Men vint op aerden niet een man
Die sulcke gauen gheuen can
Als ghy v kinders gheeft ghewis
Al die op v betrouwen fris.
Wat muechdy dencken, Heer bemint
Ick heet v Vader als een kint
En siet doch niet mijn stoutheyt in
Ga naar margenoot†Want ick doch niet eens weerdich bin
Te zijn v soon oft kint bequaem
Oft te voeren een sulcke Naem.
Lof noch kints eer, en hoort my niet
Noch oock te heeten v kint, siet
Want ick dus lang v goeden al
Hebbe verteert met Babel mal
Dus ben ick niet meer v soon, och
Ga naar margenoot*Maer kent my voor een huerlinck doch.
En ick heb my met verckens draf
Langhe veruult en met vuyl caf
Ga naar margenoot†Met valsch suerdeech en Duyuels leer
Dwelck my versade nemmermeer
En altoos seer mijns Vaders faem
Ghelastert, en zijn heylich Naem.
Och weenen, huylen mach ick wel
Dat ick gheweest heb dus rebel
Ga naar margenoot‡Vader ick heb ghesondicht swaer
Voor v, en inden Hemel claer
Ick bid v Vader tallen tien
Wilt my doch voor v knecht aensien.
| |
[Folio 330r]
| |
Wat danck sal ick dees Vader doen
Hy neemt my aen met een kints soen
Ga naar margenoot*Met een trourinck hy my ontfangt
Een Bruylofts cleet hy my omhangt
Sijn Lam liet hy voor my dootslaen
En voor zijn kint neemt hy my aen.
Eer, lof en prijs soudick dan niet
V gheuen als een goet kint siet
Want ghy my met kints goet veruult
En hebt my vergheuen mijn schult
Soudick nu sulcx verswijghen plaen
Ga naar margenoot†De steenen mochten roepen gaen.
Mijns Vaders lof, prijs ende eer
Wilt ick verswijghen nemmermeer
Ga naar margenoot‡Wat int hert is de mont wtgheeft
Een vat gheeft wt, sulck alst in heeft
Hoe can een vloet bedwinghen hem
Als sy eerst loopt sonder ghetem.
Ga naar margenoot* Ick noem v Vader als een kint
Want ghy my een goet Vader bint
Al ben ick niet meer dan een knecht
Ghy gheeft meer dan my toecoemt recht
Ghy Vader gheeft my eens kints loon
Al ben ick sulcx niet weerdich schoon.
Ick dencke dicwils Vader mijn
Op de groote ghenade dijn
Dat ghy ons so lief hebt ghehadt
Ga naar margenoot†En thoont ons v verborghen schat
Dwelck de werelt verborghen is
Dat gheeft ghy ons te kennen fris.
Ghegheuen can ick nemmermeer
V prijs ghenoech, mijn God mijn Heer
Ick lach dorstich en hongherich cranck
Nu heb ick spijs ghenoech en dranck
Ghy doet mijn ooghen op, ghewis
Nu sie ick tlicht wt duysternis.
Mijn God waert niet een leelijck dinck
Dat ick v daet verswijghen ghinck
De Voghels ende dierkens cranck
| |
[Folio 330v]
| |
Louen v al met lofghesanck
Hoe soude v niet louen fris
Die met verstant gheschapen is?
Vader, mijn hert dat leyt ghewont
Om dat mijn mont niet can doet cont
V goetheyt die ghy in my prent
Can ick voorwaer niet doen bekent
V daet niet wt te spreken is
Met Enghelsche tonghen ghewis.
Mijn mont en can niet doen al cont
Dat ghy my gheeft int herte gront
Ghy stort my dick sulck blijschap in
Ick weet van vruecht niet waer ick bin
V liefde heeft my veel doorwont ]
Ga naar margenoot‡Mijn siel dorst nae v tallen stont.
Heer Prins, God Vader uwe eer
Can ick volprijsen nemmermeer
Och oft der werelt ware cont
Ons liefde, begheerte en gront
Ende smaecten oock Gods Gheest fijn
Sy souden gheen veruolghers zijn.
|
|