Veelderhande liedekens, gemaect uut den Ouden ende Nieuwen Testamente

[Tveruolch is nu in saisoene]

C Nae de wijse: Den coelen Mey is nu in tijden.

TVeruolch is nu in saisoene
Lacen vrienden ouer al
^*Men meynt een dienst daer aen te doene
So wie v dooden sal
Voor breet en smal
Staen nu de bloedighe handen
Seer wreet en fel, so staen haer tanden
Hier in dit aertsche dal.
^† Maer al ist dat sy v veruolghen
So vliet in een ander pleyn
En zijt daeromme niet verbolghen
Maer troost v op God alleyn
Fondeert v reyn
Op Christum, en slaet hem gheen swijcke
^‡Door veel drucx moeten wy gaen int Rijcke
Dit is den wech, en anders gheyn.
^* Dat de Rechtueerdighe moeten lijden
Heeft Paulus ons wel vermelt
^†Sijt ghy ghehaet, wilt v verblijden
^‡Als de werelt v niet en stelt
Noch om goet, om ghelt
En wilt van het lijden niet versaghen
Ghy weet, elck moet dat cruyce draghen
^*Want dat Rijck der Hemelen lijt ghewelt.
^† God en sal ons niet laten als weesen
Die lijden om sinen Naem hoort
^‡Daeromme laetse ons niet vreesen
Maer vreest hem, die met een woort
Gheheele verstoort
Siele en Lichaem sal smijten
Daer niet en is, dan eeuwich crijten
^*En den knagenden worm niet en versmoort.
^† Vreest nu niet ghy cleyne Schare
Die met lijden zijt beswaert
Want het is den wille van dijnen Vaer
Laet ons wesen stout onueruaert

* Joan. 16, 2

† mat. 10, 23

‡ Act. 14, 22

* psa. 34, 20
2. tim. 3, 12

† mat. 5, 11
Luc. 6, 22.

‡ Ro. 12, 2.

* mat. 11, 12.

† ioan. 14, 12

‡ Esa. 51, 7. ende 12.
Jerem. 1, 8
mat. 10, 28
Luc. 12, 4.

* esa. 66, 24
iudit. 16 25
mar. 9, 47

† luc. 12, 32

[fol. 321v]

 

^‡Ghy die nu baert

 

Sijt vroom in al v benouwen

 

^*Wilt altijt op Godt betrouwen

 

^†Hebt een ghelooue, sterck als een mostaert.

 

^‡ Ist moghelijck dat sou verlaten

 

Een moeder haer eyghen kint

 

So en sal ick v (elck wil dit vaten)

 

Ist dat ghy my bemint

 

Elck dit versint

 

^*Is Godt met ons, wie mach ons deren?

 

^†Niet een hayr, en machmen van ons weren

 

Sonder den wille van Godt, alsomen vint.

 

Orlof alderhoochste Heere verheuen

 

Coninck der glorien ient

 

Die voor ons oock liet v leuen

 

V arm knecht toch eens bekent

 

Vwen Gheest prent

 

Teghen dees duyster wercken

 

O Godt wilt ons ghelooue stercken

 

Dat wy v moghen volgen tot in het ent.

‡ esa. 26, 17.
Mic. 4, 9.
Joan. 16, 21

* eccli. 2, 6.

† mt. 17, 20
Luc. 17, 6.

‡ esa. 49, 15

* Ro. 8, 31.

† mt. 10, 30
Luc. 12, 7.