Veelderhande liedekens, gemaect uut den Ouden ende Nieuwen Testamente

[Siende blent en hoorende doof]

C Na de wijse: In doots ghewelt lach ick gheuaen.

SIende blent en hoorende doof
Is de werelt vol onghenaden
^†Want hy moet zijn alle mans roof
Die afstaet vanden quaden
Jae die teghen Babels grey
^‡Het Baselisken ey
Vertreet en niet wil eten
Ghehaet, versmaet met spoet
Wert hy en onder voet
Van Antechrists dienaers ghesmeten.

Sathan te recht van vruechden lacht

Om tvolc horribel sonden
Want secten, oproer ende tweedracht
Sijn menigherley beuonden
Onder den ghenen meest
Die henlieden nae den gheest
Des Christen naems berommen
So dat Antechrists Rijck
In swanghe der ghelijck
Noyt domineerde bouen sommen.

Maer van oproer, veruolch, leeringe quaet

Verwondert ten gheenen termijne
Want dit is beloeft het Christen zaet
Dies aengheuochten te zijne
Dus elck Christelijck let
Schicke hem daer toe net
Tcruys ghewillich te draghen
Ghelijck als Christus secht
^*Neemt op v cruys oprecht
En volcht my naer, sonder vertraghen.

Christus ons voorbeelt, heeft wt liefden groot

Als Ridder niet om vaillianden
^†Gheleden, ghestreden tot tscruycen doot
En verwonnen zijn vianden
Alle Christen fijn
Lijden, strijdende zijn

† Esa. 59, 15

‡ Esa. 59, 5.

* mat. 16, 24
mar. 8, 34
Luc. 9, 23.

† Phil. 2, 8.

[fol. 308v]

 

Moeten vierich wt minnen

 

Tot dat sy nae Gods heesch

 

Werelt, Duyuel en vleesch

 

En al haer vianden hier verwinnen.

 

^‡ Maer die wertelijck strijt, sal zijn gecroont

 

^*Ghecleet niet om verwitten

 

^†Ende die verwint (als wel gheloont)

 

Sal alle dinck besitten

 

Dese Schriften en meer

 

Tuyghen (nae Godes leer)

 

Vander Christenen lijden

 

Dat sy moeten zijn hier

 

^‡Gheproeft als gout int vier

 

Sullen sy met Christo eeuwich verblijden.

 

Dit is die proeuinghe voortghebrocht

 

Als strijt ter werelt gheresen

 

Waer mede de Christenen ondersocht

 

Al tsamen moeten wesen

 

Tot Babel wert ghestoort

 

En Pharao versmoort

 

Int Meyr van Godes thoren

 

Dat Degypsche hier by

 

Aaron en Moysi

 

Niet meer en wederstaen, als te voren.

 

^* De roode Draeck, valsch Prophete fel

 

Diemen noch siet regneren

 

^†En de tyrannisch Jesabel

 

Die de goey doet persequeren

 

Sullen noch (na tvermaen)

 

Gods straffinghe ontfaen

 

^‡En loon, nae haerlier wercken

 

Maer hier door lijdtsaemheyt

 

Moet den tijt zijn verbeyt

 

De Heere wil de zijne stercken.

 

Dus Broeders ende Susters bekent

 

En laet v niet verdoouen

 

^*Van valsche dwalende gheesten blent

 

In die licht te gheloouen

 

^†Want haest wat vreemt viers oock

‡ 2. Tim. 2, 5

* Apo. 3, 5

† apo. 21, 7

‡ psa. 66, 10
Pro. 17, 3.
Sac. 13, 9.
Sapi. 3, 5.
Eccli. 2, 5.
4. es. 16, 47
1. Pet. 1, 7

* Apo. 12, 8.

† re. 18, 13 ende 21, 8.

‡ iob 34, 11
Psa. 28, 4 ende 62, 13.
Jer. 17, 10. ende 25, 14.
mat. 16, 27
Rom. 2, 6
2. cor. 5, 10
Apo. 2, 23. ende 22, 12.

* 1. ioan. 4, 1

† Leu. 10, 1

[fol. 309r]

 

Wert met Gods wieroock

 

Ghemenghelt tallen weghen

 

Waer voor elck wacht hem nu

 

Dat hy met Abihu

 

Ende Nadab niet werde ghesleghen.

 

^‡ Niemant te haest met zijn hant en sla

 

Aen Darcke Gods vercuerlijck

 

Op dat hem niet ghelijck Vsa

 

Int eynde sy ghebuerlijck

 

^*Niemant ghiete oock naer

 

Vuyl water in wijn claer

 

Noch menghe heylich int schijnen

 

Siluer, met schuym beuleckt

 

Want Gods hant wtghestreckt

 

Sal den schuym noch geheel doen verdwijnen.

 

Wie verstant heeft, can verstant ontfaen

 

^†En die ooren heeft, mach hooren

 

Elck late in cracht, en swanghe staen

 

Gods woorden wtuercoren

 

^‡Niet stellende daer toe

 

Oft yet af en doe

 

Dat Godt door toornichede

 

Hem als quaet boos oncruyt

 

Niet heel en roeye vuyt

 

Jerusalem dheylighe stede.

 

Princelijcke vriendekens voor een slodt

 

^*Ghelooft niet elcx gheest vermeten

 

Maer proeft eerst wel oft sy zijn van Godt

 

Want tzijn veel valsche Propheten

 

^†Een plantinghe, hoe playsant

 

Wert wtgheroeyt waerachtich

 

^‡Dus bidt en waeckt altijt

 

En wel ghewapent zijt

 

Teghen den strijt gheresen crachtich.

‡ 2. Re. 6, 6.

* Esai. 1, 22.

† Mat. 13, 9
Mar. 4, 9
Luc. 8, 8.
Apo. 2, 7. ende 11. ende 17 ende 19.

‡ Deu. 4, 2
apo. 22, 18.

* 1. Joan. 4, 1

† mat. 15, 13.

‡ mat. 24, 42 ende 25, 13.
Eph. 6, 18