Veelderhande liedekens, gemaect uut den Ouden ende Nieuwen Testamente

[Rooseknoppen soetguerich]

C Na de wijse: Ghenade ende vrede, moet v van Godt geschien.

^*ROoseknoppen soetguerich
Staende te Jericho
^†Ceder plantkens vercuerich
Gheset in Libano
Balsembloemen wt Eden
^‡Dochterkens Saray
Maechden in Sions steden
Hertelijck groet ick dy.

Ick groet v allegader

^*Met de ghenade soet
Van Godt ons Hemelsch Vader
Door Jesum Christum goet
Onsen Heere verheuen
^†Ons salicheyt verhoocht
^‡Ons Bruydegom beseuen
Die ons veel liefde toocht.

O Maechden, sal hy wesen

Ons Bruydegom, ten deel

* eccli. 24, 17

† 3. reg. 5, 6.
2. Par. 2, 8
Esai. 2, 13.

‡ 1. pet. 3, 6

* Rom. 1, 7.
1. Cor. 1, 3
2. Cor. 1, 2.
Galat. 1, 3.
Ephe. 1, 2.

† act. 4, 12.

‡ Joan. 3, 29

[fol. 299v]

 

So moeten wy by desen

 

Ons vercieren gheheel

 

^‡Aendoende zijden cleeren

 

In duechden dit verstaet

 

Alle vlecken moetmen weeren

 

Als een Bruyt delicaet.

 

^* Den spieghel der Schriftueren

 

O maechdekens ydoon

 

Wilt die nu wel bespueren

 

Op dat ghy v seer schoon

 

Muecht reynighen van binnen

 

Want so ons Dauid secht

 

Tcieraet der Coninginnen

 

^†Is inwendich ghehecht.

 

^‡ De Phariseen verblendich

 

Hebben ellendich ghedwaelt

 

Soeckende duecht wtwendich

 

Hebben tinwendich ghefaelt

 

Dus maechdelijcke Tempels

 

^*Verciert v inden Gheest

 

Neemt leering en exempels

 

^†Aen Salmons Tempel eerst.

 

Christelijcke Jonckvrouwen

 

^‡Die Tempels Godts zijn sout

 

^*Van steenen fraey ghehouwen

 

Was den Tempel ghebout

 

Wy moeten oock in ghelijcke

 

Onse natuere quaet

 

^†Besnijden autentijcke

 

^‡So onsen roep toe staet.

 

Wt alle Synagoghen

 

Was den Tempel kenbaer

 

^*Want hy was ouertoghen

 

Van binnen met goude claer

 

Des gouts bediedenesse

 

Dat is der ^† liefden gloet

 

Diemen tot Godt expresse

 

En zijn naest hebben moet.

 

^‡ Laet oprecht liefde blijcken

‡ apo. 19, 8.

* Jaco. 1, 23

† psa. 45, 14

‡ mt. 23, 24
Luc. 11, 39

* 1. pet. 3, 4

† 3. Re. 6, *.
2. par. 3, *.

‡ 1. co. 3, 16

* 3. re. 6, 7.

† Deuter. 10, 16.
Jer. 4, 4.
Ro. 2, 29.
Phil. 3, 3.
Col. 2, 11.

‡ eph. 4, 1.

* 3. re. 6, 21
2. par. 3, 4

† mt. 22, 36
mar. 12, 30
Luc. 10, 27

‡ eph. 4, 15

[fol. 300r]

 

O maechdekens eersaem

 

So machmen v ghelijcken

 

By Ophiers gout bequaem

 

^*Liefde is de paruere

 

Oft het velt teecken ient

 

Waer by men wel ter cuere

 

Godts wtuercoren kent.

 

^† Ghy dochter cantijcke

 

Neycht uwe ooren snel

 

Vergeet taertsch vaders rijcke

 

So sal de Coninck wel

 

In v schoonheyt ghelusten

 

^‡Dus wilt nu met Hester

 

In ootmoedicheyt rusten

 

Onder zijnen Scepter.

 

wy vinden dat de maghet

 

Maria ghebenedijt

 

Den Heere heeft behaghet

 

^*Om den ootmoet altijt

 

Dus maechden laet ons pooghen

 

Dien stap te treden naer

 

Op dat wy wesen moghen

 

Een Sustere van haer.

 

^† Godt die is wederstaende

 

Die houerdie bedrijft

 

Maer in ghenae ontfaende

 

Die ootmoedich blijft

 

Also wy moghen lesen

 

In Mariams lofsanck

 

Dus maechdekens ghepresen

 

^‡Volcht tootmoedich lams ganck.

 

Die tlammeken na treden

 

Met een reyne ghemoet

 

In der saechtmoedicheden

 

^*En tswerelts iock onsoet

 

Aflegghende, met luste

 

Teuangeli nemen an

 

Die vinden eeuwighe ruste

 

Voor hare siele dan.

* Joan. 13, 35

† psa. 45, 11

‡ 1. Hest. 5, 2
2. hest. 4, 8.

* luc. 1, 44.

† Luc. 1, 47
1. pet. 5, 5.
Jac. 4, 6.

‡ 1. pet. 2, 21

* eph. 4, 22.
1. Pet. 2, 1.
Heb. 12, 1.

[fol. 300v]

 

^† Sulcke maechden beseuen

 

Die tlam volgen inder iuecht

 

So Joannis heeft beschreuen

 

Sullen leuen in vruecht

 

In eeuwigher glorien singhen

 

^‡Tnieu liet vol melodien

 

Godt wil ons daer al bringhen

 

Amen sing ick by dien.

 

Dit is niet om der conste

 

Ghesonghen noch ghedicht

 

Maer wt liefden en gonste

 

Der maechden ist ghesticht

 

Tot henlieder begheeren

 

Dus is dit mijn vermaen

 

Wiltet ten besten keeren

 

Tuwer liefden ist ghedaen.

† apo. 14, 4

‡ apo. 14, 3.