Veelderhande liedekens, gemaect uut den Ouden ende Nieuwen Testamente

[O Mensch na dat goede wilt sporen]

C Na de wijse: Het reedt een Ridder wt iaghen.

[fol. 290v]

 

O Mensch ^* na dat goede wilt sporen

 

Verstaet, verstaet, ick schenck v daerom dit Liet

 

Nu laet, nu laet ons worden ^† van nieus herboren

 

Oft wy moghen int rijck Gods comen niet.

 

^‡ O menschen besnijdt uwe herten

 

Bedwingt, ^* bedwingt v tonge, betemt v lijf

 

Gedinct, gedinct ^† dat daer naect eewich smerten

 

Na dese werelt, haer quaet bedrijf.

 

Johannes die heuet beschreuen

 

Wie daer, wie daer, ^‡ den wille des Heeren wet

 

Tis waer, tis waer, sy sullen eeuwich leuen

 

^*Staet af van tquaet, en doet het goet.

 

Hoe sullen wy het goede nu pleghen

 

Den val, ^† den val van Adam heeft ons geschent

 

Gants al, gants al ^‡ zijn wy tot tquaet genegen

 

Siet daerom ^* is ons Gods Soon ghesent.

 

Dus bidt nu tot allen vren

 

Voor dien, voor dien nu ^† geestelijck zijn ghesint

 

^‡Die strien, die strien al teghen haer natueren

 

Veel meer men hier noch te campen vint.

 

So wie hier, alsomen mach lesen

 

Tot in, ^* tot in dat eynde volstandich blijft

 

Ick vin, ick vin, sy sullen salich wesen

 

Spreeckt Christus, so Mattheus schrijft.

 

^† Ghy die nu slaept, wilt eens ontwaken

 

Doet aen, ^‡ doet aen dat harnas Gods seer ris

 

Wilt gaen, wilt gaen, v tot den strijt opmaken

 

Terwijlen den tijt van gracy is.

 

^* Dit is nu eenen tijt van gracy

 

Men leest, men leest ^† dat God nu wil storten vuyt

 

Sijn geest, zijn geest, op alle vleesch O Nacy

 

Ghy moecht nu wel worden ^‡ Christus bruyt.

 

^* Maer ghy moest wt zijnen Geest werden

 

Vernieut, vernieut, so ick dit Liedt began

 

Nu vliet, nu ^† vliet dat quaet, en ^‡ wilt volherden

 

Houdt inden gheest met strijden an.

 

^* Sy moeten door Adam al steruen

 

Wie hem, wie hem tot Christum niet bekeert

* psa. 34, 15.
Amo. 5, 15
1. Pet. 3, 11

† Joa. 3, 3.

‡ deu. 10, 16
Jere. 4, 4
Ro. 2, 29.
Colo. 2, 11.

* 1. pe. 3, 10
Jaco. 1, 26

† esa. 66, 24
Dan. 7, 11.
iudit. 16 25
mat. 25, 42

‡ 1. ioan. 2 17

* ps. 37, 27
1. pet. 3, 11.

† 4. es. 7, 48

‡ Gen. 8, 21

* 1. ioan. 4, 9

† Ro. 8, 5.

‡ Gal. 5, 17

* mt. 10, 22
mar.13, 13

† Ro. 13, 11
Eph. 5, 14

‡ eph. 6, 13

* 2. cor. 6, 2

† ioel. 2, 28.
Act. 2, 17. ende 11, 15.

‡ apo. 19, 7

* Joan. 3, 5
Tit. 3, 5.

† eccli. 21, 2

‡ mt. 10, 22 ende 24, 13.

* Ro. 5, 12.
1. cor. 15, 21

[fol. 291r]

 

^†Sijn stem, zijn stem te hooren doet ons verweruen

 

Dat eeuwich leuen, so de Schrift leert.

 

Nu wiltet toch in danck ontfanghen

 

Mijn const, mijn const, en mijn verstant is cleyn

 

Mijn gonst, mijn gonst mijn hertelijc verlangen

 

Is met v sielen weluaert ghemeyn.

† ioan. 10, 27.