Veelderhande liedekens, gemaect uut den Ouden ende Nieuwen Testamente

[O Hemelsche Vader hoe goet zijt ghy]

C Na de wijse: Vanden Ouden Grysaert.

O Hemelsche Vader hoe goet zijt ghy
^*Ghy en verlaetse niet die in v hopen
O Christen betrout uwen vader altijt vry
^†Hy hoortet als die ellendighe roepen
^‡Laet ons na desen prijs alleene lopen
^*Al dreygen ons de menschen met menige pijn
In dese Belofte gaet mijn herte open
^†Is God met ons, wie mach tegen ons zijn?
^‡ Die zijnen eenigen sone niet en heeft gespaert
Maer gaf hem om dat wy souden leuen
Ghedenckt des Vaders goeden aert
Hoe en soude hy niet met hem gheuen?
Gracy, dat wy ons souden wachten van sneuen
Tghene dat wy behoeuen in desen schijn
Al worden wy nu verdreuen
^*Is God met ons, wie mach tegen ons zijn?
^† Christus ons Hooft die heeft gheseyt
Hoort hoe dat hy coemt in de noot te bate
^‡Ghy sult voor Coninghen worden gheleyt
Maer sorcht niet wat ghy sult praten
Mijn Vader sal v, wilt dit vaten
Wijsheyt gheuen op dit termijn
^*Oock seyt hy, ick sal v gheen weesen laten
^†Is God met ons, wie mach tegen ons zijn?

Dat huys des Gheloofs is wel gheschut

Met schoone Beloften op alle saken
^‡Die Godsalicheyt is tot alle dinghen nut
Ende heeft die Beloften na Paulus spraken
Van desen leuen, en datter sal naken
Blijft doch in Christus gehoorsaemheyt fijn
Al coemt tvleesch aen palen, aen staken
^*Is God met ons, wie mach tegen ons zijn?

* Eccli. 2, 12

† psa. 22, 25. ende 34, 7.

‡ 1. co. 9, 24

* 1. pe. 3, 14

† Ro. 8, 31

‡ Joan. 3, 16
1. ioan. 4, 9

* Ro. 8, 31.

† eph. 1, 22 ende 4, 15.
Col. 1, 19.

‡ mt. 10,18
mar. 13, 9.
Luc. 21, 11.

* ioan. 14, 18

† Ro. 8, 31

‡ 2. Ti. 4, 8.

* Ro. 8, 31.

[fol. 252v]

 

Tis noot dat een Christen wel toesiet

 

Dat hy in alle ghehoorsaemheyt blijue

 

^*Wie ouertreet ende blijft inde leere Christi niet

 

Die is sonder Godt, na Joannes schrijuen

 

Die en hebben geen beloften aen siel noch aen lijue

 

Laet ons in Godts leeringhe trecken een lijn

 

^†Malcanderen altoos met vermaninge stijuen

 

^‡Is God met ons, wie mach tegen ons zijn?

 

^* Waer daer twee oft drie vergadert is

 

Inden Naem van Christo almachtich

 

Daer is hy in tmidden, dats ghewis

 

Want zijn woorden zijn waerachtich

 

^†In disputeren en zijt niet iachtich

 

Want twist onder den Christen is niet fijn

 

Blijft inde salighe leeringhe eendrachtich

 

^‡Is God met ons, wie mach tegen ons zijn?

 

Oft wy oock waren also sot

 

Dat wy wt die leeringhe traden

 

Eylacy, ^* so waren wy sonder Godt

 

Hoe hadden wy dan onse sielen verraden

 

^†Vader verlost ons vanden quaden

 

Ghy weet dat is mijn roepen tot dijn

 

Och vrienden ^‡ twaer goet dat wy altijt baden

 

^*Is God met ons, wie mach tegen ons zijn?

 

^† Laet ons de liefde ghebruycken eenpaer

 

So sal Godt ymmer met ons wesen

 

Want ^‡ Godt is de liefde, dats claer

 

Wie in de liefde blijft, also wy lesen

 

Die blijft in Godt, ende Godt blijft in desen

 

^*Sijn Geest verfraeyt dat herte meer dan wijn

 

Ontfangt malcanderen vry sonder vreesen

 

^†Is God met ons, wie mach tegen ons zijn?

 

Oorlof mijn vrienden wijt verspraeyt

 

Waer dat wy zijn, in Dorpen ofte Steden

 

^‡Tis eenen Gheest die ons al verfraeyt

 

Daer wy mede zijn gedrenct na Paulus zeden

 

^*Laet ons voor malcanderen wtstorten gebeden

 

^†Dat wy niet en doen, als een hont oft swijn

 

Maer in Godts paden ^‡ ten eynde toe treden

* 2. Joan. 9.

† 1. Tes. 5, 11
Heb. 3, 13.

‡ Ro. 8, 31

* mt. 18, 20
luc. 24, 14

† 2. Ti. 6, 5.

‡ Ro. 8, 31.

* 2. Joan. 9.

† Mat. 6, 13
Luc. 11, 4.

‡ Luc. 18, 1
Eph. 6, 18

* Ro. 8, 31.

† Col. 3, 14
1. pet. 4, 8

‡ 1. Joan. 4, 16.

* Act. 2, 4

† Ro. 8, 31.

‡ eph. 4, 4.

* Jac. 5, 16.

† 2. pe. 2, 22

‡ mt. 24, 13

[fol. 253r]

 

^*Is God met ons, wie mach tegen ons zijn?

* Ro. 8, 31.