Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
AuteursrechtvrijC Na de wijse: Ey out Grysaert.
MIjn Ga naar margenoot*siele loeft den Heere goet
En alle vruecht wilt nu voortbringen
Mijn herte voecht v mz sinnen vroet
Om Godts lof altijt te singhen
En vergeet niet de goede dinghen
Die v door den Heer zijn gheschiet
Want hy heeft door zijn ghehinghen
V boosheyt wtghewreuen siet.
Ga naar margenoot† V cranckheyt gheneest hy altijt
Met bermherticheyt wilt hy v croonen
Van den doot v leuen beurijt
V herte veruult hy, niet om verschoonen
Bermherticheyt so sal hy thoonen
Die hier zijn sonden rouwen quaet
Die onrecht lijden sal hy loonen
Bermhertich is hy vroech en laet.
Ga naar margenoot‡ Ghenadich en lanckmoedich bekent
Hy en straft ons niet als dwase sondaren
Saechtmoedich is Godt omnipotent
Sijnen thoren wil hy sparen
Met ons niet en handelt, vaet tverclaren
Na onse sonden en boosheyt fel
Daer in wy ellendighe aertsche scharen
Ghewandelt hebben door tvleesch rebel.
Ga naar margenoot* So hooch den Hemel perfeckt is fijn
En vast blijft bouen der Aerden verheuen
Also streckt de goetheyt Godts deuijn
Tot die zijn vreese hier aencleuen
So ver de morghen vanden auont is bleuen
Worpt Godt van ons onse sonden blint
Als een goet vader zijn kint, coemt beneuen
Ontfermt hem Godt, en ons bemint.
Ga naar margenoot† Want hy weet hoe wy zijn ghemaeckt
Wt stof, en is ghedachtich
| |
[Folio 214v]
| |
Dat de mensch als hy is ghestaeckt
Eenen cleynen tijt wat machtich
Ga naar margenoot*Hy bloeyt hier als een bloeme warachtich
Opt velt in corter stonden eenpaer
Maer als de wint daer ouer waeyt crachtich
Niet meer wort geuonden haer schoonheit daer.
Ga naar margenoot† Maer des Heeren bermherticheit minioot
Sal dueren inder eeuwicheyden
Ouer kints kint zijn gherechticheyt groot
Die Godt beminnen sonder afscheyden
Ghy Enghelen wilt Godts lof verbreyden
En Godts dienaers al ghemeyn
Sijnen Name wilt eere bereyden
Doet oock so mijn siele wt liefden reyn.
|
|