Veelderhande liedekens, gemaect uut den Ouden ende Nieuwen Testamente

[Met reyne handen hooghe opgeheuen]

C Een ander.

^‡MEt reyne handen hooghe opgeheuen
Ende ootmoedighe losse knien
Dient den Heere eewich lof gegeuen
Van tghenadich, weldadich gheschien
^*Want wy die laghen in duyster bespien
Hebben ghesien
^†Een eeuwich licht gheestich lichtende claer
Dats de waerheyt verborghen menich iaer.

Dit licht der waerheyt verborghen verre

Van de verduysterde werelt blent
^‡Claer lichtende als een morgensterre
Ouer Gods kinderen excellent
^*Die wt water, Gheest herboren ient
^†Sijn omme ghewent
Ghelijck cleyn kinderkens van reynder aert
Dien is tlichts waerheyt gheopenbaert.

Om dat tlichts waerheyt claer opgeresen

Ons is gheschoncken wt Svaders schoot
Ons siele alleene hongert by desen
^‡Na dat leuende Hemelsche broot
Ende ons herte wt liefden groot
Dorstet ter noot
^* Na Christum het leuende water reyn
Dit soecken ende begheeren wy alleyn.
Alle die dorstich na dit water treen
^†Ghelijck een Hert na de fonteyne doet

‡ 1. Tim. 2, 8

* mat. 4, 16.

† Joan. 1, 9.

‡ Esa. 60, 1.
2. pet. 1, 19

* Joan. 3, 5

† mat. 18, 3

‡ Joan. 6, 51.

* Joan. 4, 10 ende 7, 37.

† Psa. 42, 2

[fol. 210v]

 

^†Tsuerdeech der Phariseen, Saduceen

 

Laten sy liggen onder de voet

 

Eeuwich lof den Heere hebben moet

 

Themels broot soet

 

Ghesmaeckt hebben wy by gracien dat

 

Van tsuerdeech zijnde heel gheworden sat.

 

Van tstinckende draf der valscher Propheten

 

Die als mestuerckens wroeten int slijck

 

Hebben wy nu al genoech ghegheten

 

Blijuende by Gods woort autentijck

 

Al lijden wy dies ter werelt publijck

 

Veruolch, verzijck

 

Belaecht, veriaecht en ter doot gheschoffiert

 

Bouen menschen dient God gheobediert.

 

^* Veel nutter ist door tijdelijck benouwen

 

Te vallen in smenschen handen fel

 

Dan te sondighen in Gods aenschouwen

 

Een Vergelder der sondaers rebel

 

Want hy is ^† Godt van Israel

 

Emanuel

 

^‡Die smenschen herte ende nieren doorsiet

 

Salich zijnse die hem verlaten niet.

 

^* Want wy ter dueren moeten inuaren

 

Weechbrekers, vensterclimmers onury

 

Niet van Dieuen zijnde en Moordenaren

 

Als boose verleyders schouwen wy

 

Doornen, dijstels, gaende voorby

 

Seggen oock tsy

 

^†Ghy ypocrijten, Woluen, Honden stom

 

^‡Die deerlijc vertreden, twoorts heylichdom.

 

^* Aenghesien dat wy ons moghen lauen

 

Om niet, met sleuens water deuijn

 

Donreyne cuylen van menschen gegrauen

 

Laten wy henlien houdende zijn

 

^†En al Babels gheschoncken wijn

 

Hoe heylich int schijn

 

Ghelijck fenijn, wy oock versaken die

 

Houdende voor Duyuelsche afgoderie.

 

De waerheyt is in ons by expresse

† mat. 16, 6.
mar. 8, 15.
Luc. 12, 1.

* Susan. 23

† Mat. 1, 23

‡ Jer. 17, 10
Apo. 2, 23

* Joan. 10, 2

† mt. 23, 12

‡ mat. 7, 6

* esa. 55, 1.
apo. 22, 17

† Apo. 17, 2 ende 18, 3.

[fol. 211r]

 

Dies moet de lueghen buyten staen

 

^* Tlicht is verschenen, de duysternesse

 

Die moet van ons nu henen gaen

 

^†Ja Christum Jesum gheestich ontfaen

 

Hebwy aenghedaen

 

Den waren Messiam, des Vaders woort

 

Door dit licht is de duysterheyt versmoort.

 

Dit licht by gracien ons gheschoncken

 

Vanden Vader die eeuwich regneert

 

Hieromme zijn wy Antechrists speloncken

 

Met zijn dienaers den rugge ghekeert

 

In ons de waerheyt triumpheert

 

Hoet Sathan blameert

 

^‡Gefondeert op den hoecksteen nacht en dach

 

^*Niemant van Christus liefde ons sceyden mach.

 

Al die onder Christo staen begrepen

 

Die zijn bekent aen raet ende daet

 

Hoemense hier siet iaghen oft slepen

 

^†Als Schaepkens diemen tvel af vlaet

 

^‡Den nauwen wech rechte ingaet

 

Als Tlammekens zaet

 

Gecruyst om Gods woort in claerheyt perfect

 

Sulc een is met des lichts waerheyt bedect.

 

Oorlof vrienden ^* wt God gheboren

 

Die tlicht der waerheyt deelachtich zijt

 

Siet toe dat ghy Sgeests gaue wtuercoren

 

Niet onghehoorsaem verloren smijt

 

Beurijt, door Tlam ghebenedijt

 

^†Doch wettelijck strijt

 

Tegen Sathan, ende ^‡ tghecroonde Beest

 

Verwint werelt, vlees, ridderlijck mz den Geest.

* 1. Joan. 2, 8

† Gal. 3, 27.
Colo. 2, 6.

‡ esa. 28, 16.

* Ro. 8, 35

† psa. 44, 23.
Ro. 8, 36.

‡ 4. es. 7, 7
mat. 7, 13.
Luc. 13, 22

* Joan. 1, 13

† 2. tim. 2, 4

‡ apo. 13, 7