Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
AuteursrechtvrijC Na de wijse: Salich is de man en goet gheheeten.
MErckt wel wat God doet openbaren
Door Jeremiam excellent
Den huyse Jacobs, en verclaren
In Juda door zijn preken ient.
Ga naar margenoot† Hoort toe ghy dul volck onuerstandich
| |
[Folio 209v]
| |
Ga naar margenoot†Die ooghen hebt en niet en siet
Ga naar margenoot‡ Wilt ghy v voor my niet verschricken
Spreeckt Godt de Heere, noch ontsien
Ga naar margenoot*My, die de zee wel can beschicken
Een oeuer, dien sy niet can lien.
Ende al ist dat hare baren
Door den storm bedrijuen ghewelt
Nochtans mach sy niet ouernaren
De mate die haer is ghestelt.
Ga naar margenoot† Maer een onghehoorsamich herte
Heeft dit volck, en afuallich me
En blijft afuallich quaet van perte
Gaende altijts voort na haer ze.
Niet eens dit volck int herte dincket
Laet ons doch vreesen Godt seer goet
Die ons vroech ende spade schincket
Ter rechter tijt den reghen soet.
Ga naar margenoot‡ En den oogst trouwelijck bewaret
Die hy ons alle iare gheeft
Maer met boosheyt ghy v beswaret
En v sonden doen dat ghy sneeft.
Ga naar margenoot* Onder mijn volck zijn boose menschen
Die de lieden stellende zijn
Stricken, om vanghen na haer wenschen
En om te brenghen in ghepijn.
Ende ghelijck dat een slachnette
Dat vol gheuanghen voghels is
So is veruult, elck hier op lette
Haer huys met roof, dits toch ghewis.
En door dat sy hebben vercreghen
Met bedroch ende boeuerien
Daer af zijn sy machtich bedeghen
Rijck en vet na swerelts aensien.
Sy gaen met boose schalcheyt omme
Sy en ghebruycken oock gheen recht
Ga naar margenoot†Weesen recht keeren sy int cromme
Des armen wort neder ghelecht.
| |
[Folio 210r]
| |
Ga naar margenoot‡ Soude ick dese niet besoecken
Spreeckt de Heere ghebenedijt
En my wreken in allen hoecken
Aen sulck een volck, als dit vol spijt.
Ga naar margenoot* Het staet grouwelijck inden lande
Ende veruaerlijck daer toe
De valsche Propheten vol schande
Leeren lueghens met stouten moe.
Ga naar margenoot† En de Priesters met neersticheden
Heerschen in haer officy blent
Mijn volck is daer wel me te vreden
Wat sal daer af comen int ent.
|
|