Veelderhande liedekens, gemaect uut den Ouden ende Nieuwen Testamente

[Loeft Godt en prijst hem seere]

C Na de wijse: Broeders die nu geroepen zijt.

[fol. 192v]

 

LOeft Godt en prijst hem seere

 

^†Ghy Jacobs wormken teere

 

Wilt nu den Heer verbreden

 

Want hy sal comen, dit wel verstaet

 

Al ist dat hijt vertrect, hem niet afgaet

 

^‡Maer leeft int Gheloof met vreden.

 

^* Verwacht nu den Heer met lijdtsaemheyt

 

En schict uwen wech inder waerheyt

 

^†Het eynde alder dingen is nu ghecomen by

 

Dus waect int ghebet, wie dat ghy zijt

 

^‡Want de Sathan gaet om ons met vlijt

 

Om ons te verslinden met groot ghestry.

 

^* Laet v lendenen omgordet zijn

 

^†En v licht bernen tot allen termijn

 

^‡Spreeckt Christus, de waerheyt verheuen

 

En zijt gelijc den menschen die verwachten, siet

 

Haren Heere, hoort dit bediet

 

Als hy weder coemt van de bruyloft sonder sneuen.

 

Noch so spreeckt Christus de Heer gewis

 

^*Siet toe dat v herte in droeffenis

 

Niet beswaert en worde met spijs oft dranc

 

Oft met sorghe der werelt swaer

 

En den dach op v valle, dats claer

 

^*Dus waect en bidt, want tvleesch is cranck.

 

^† Want de dach des Heeren sal comen met cracht

 

^‡Ghelijck eenen dief al inder nacht

 

Als sy sullen segghen het is vrede, siet

 

Het is sonder sorghe ofte vaer

 

Als dan sal hy comen met vreesen swaer

 

Ende sy en sullent ontulieden niet.

 

^* Als dan sullen sy in ellendicheden zijn

 

Die mijn weghen nu misbruyckt hebben fijn

 

Die sullen woonen in pijnen groot

 

Om dat syse verworpen en versmaen

 

Noch my niet en hebben verstaen

 

Die moetent in pijninge belijden na de doot.

 

^† Maer zijn ouergebleuen sal hy met vreden

 

Verlossen wt grooter catijuicheden

 

Die behouden sullen zijn op zijne palen

† Esa. 41, 14

‡ Aba. 2, 4.
Rom. 1, 17
Heb. 10, 38

* Jac. 5, 8.

† 1. pet. 4, 7

‡ 1. pet. 5, 8

* Luc. 12, 35
eph. 6, 14.
1. Pet. 1, 13

† mat. 5, 16
Phil. 2, 15

‡ ioan. 14, 6

* Luc. 21, 31.

* mat. 26, 40

† mt. 24, 43
1. Tes. 5, 2.

‡ 2. pe. 3, 10

* 4. esd. 9, 9

† 4. es. 12, 34

[fol. 193r]

 

salse verblijden totten ende

 

zijn aensicht van haer niet wenden

 

ghelooft nu zijn woort, ten sal niet falen.

 

Esaias staet gheschreuen beuroet

 

^*y hebben ghehoort lofsanghen soet

 

eere der gherechticheyt ghepresen

 

ghy Gheloouighe, wilt v nu verblijen

 

en Heer, tot allen tijen

 

^†Godt met ons, wien willen wy vreesen?

 

orlof hier mede weest den Heere

 

olen, die ons can stercken seere

 

maken ons tot zijnen Rijcke bereyt

 

^‡onstraffelijck en onbesmet

 

zijnen vrede hier wel op let.

 

ende eer moet hem zijn inder eewicheyt.

* Esa. 24, 16

† Rom. 8, 31

‡ 2. pet. 3, 14