Veelderhande liedekens, gemaect uut den Ouden ende Nieuwen Testamente

[Kinders bequame // des Rijcks Gods erfghename]

C Na de wijse: Schoon lief loyale.

KInders bequame // des Rijcks Gods erfghename
^*Gedoopt zijnde altesame // in een lichame
^†Ghelijck uwen roep toebehoort
Wandelt onstraffelijck nu voort
Na der Schriften rappoort
^‡Vreetsaem in werck en woort
Hout Broederlijck accoort.

Ghy die eendrachtich // ^* dHemelschen roep waerachtich

Sijt geworden deelachtich // in Christo crachtich
^†Vernedert gheestich v ghelaet
Onder de hant Gods delicaet
V heel te buyten gaet
^‡Mint Godt, en tnaeste zaet
Als v seluen bystaet.

Als Sheeren slauen // wilt sgeests ontfanghen gauen

^*Int deerde niet begrauen // mer om elcken lauen
^†Laet tlicht werden gheopenbaert
Woeckert met tpont, so Schrift verclaert
^‡Dijn schat bouen vergaert
Daert vander motten aert
En Dieuen wert bewaert.

Wilt v lien wachten // van des Roouers vercrachten

Dat int herte vernachten // gheene gedachten
^*Dan die cuysch, heylich zijn alleyn
^†Ghesint na Christum tsuyuer greyn
Ghesticht voor groot en cleyn
^‡Sulcke van herten reyn
Die zijn salich certeyn.

Salich beseuen // zijn sy, die in dit leuen

* 1. cor. 12, 13

† eph. 4, 1.

‡ 1. cor. 7, 15

* Hebr. 3, 1.

† 1. pet. 5, 6.

‡ Deut. 6, 5.
mat. 22, 36
mar. 12, 30
Luc. 10, 27

* mt. 25, 18

† mat. 5, 16

‡ mat. 6, 20
Luc. 12, 33.

* Ephe. 5, 2

† Phil. 2, 5

‡ Mat. 5, 8.

[fol. 191r]

 

Elck goet exempel geuen // dus vrienden verheuen

 

Doet al dinck na Gods woort correct

 

Op dat den lasteraer duertreckt

 

V niet straffe, als beulect

 

In simpelheyt perfect

 

Twoort voorsienich ontdect.

 

Voorsienich wesen // wilt vrienden wtgelesen

 

^*Daer in v werck geresen // Godt sy ghepresen

 

V mont en tonghe dwingt eenpaer

 

Siet toe, hoe ghy spreect, wat oft waer

 

Dat niemant gae te naer

 

^†sBesprengt v woorden claer

 

Met gheestich sout eerbaer.

 

Met eerbaer zeden // ghy christelijcke Leden

 

^‡Laet rijsen dijn ghebeden // in allen steden

 

Voor Keyser, Coninck, Heeren vroet

 

Dat Godt haerlier herte en ghemoet

 

Ten besten keeren doet

 

Om met twoort zijn gheuoet

 

Ist so Gods wille goet.

 

Na Gods behagen // obedieert sonder claghen

 

Die sorghe voor v draghen // tallen daghen

 

^*Oock smenschen ordineren ient

 

niet zijnde teghen Gods Mandament

 

Wilt zijn obedient

 

^†Elck tzijne, reuerent

 

Gheeft, ghehoorsaem bekent.

 

Bekende sinnen // ^‡gesalft geestich van binnen

 

^*Wilt tqua met tgoe verwinnen // alleen wt minnen

 

End binnen, dit aertsche foreest

 

^†Lijdtsamich zijt, in sdrucx tempeest

 

^‡Gheen doot van menschen vreest

 

Tvleeschs lust cruyst aldermeest

 

^*En wandelt na den Gheest.

 

Inden gheest vierich // zijt vriendekens manierich

 

^†Wakende goedertierich // gheensins goet gierich

 

Maer tulieder sielen profijt

 

Godt in allen ghebenedijt

 

Door wien ghy zijt beurijt

* Mat. 5, 16

† Col. 4, 5.

‡ 1. Tim. 2, 1

* 1. pet. 2, 13.

† Rom. 13, 7

‡ 1. ioan. 2, 27

* Ro. 12, 21

† Luc. 21, 17

‡ mt. 10, 28
Luc. 12, 4.

* Gal. 5, 24

† mat. 25, 13

[fol. 191v]

 

Dus in veruolch oft strijt

 

^‡In hem altijt verblijt.

 

In God laet blijuen // alle dijn raets bedrijuen

 

Met dApostels beschrijuen // wilt v verstijuen

 

^*Verwint werelt, vleesch, Duyuel, doot

 

Door theylich ghelooue deuoot

 

Werckende wt liefden groot

 

Voor tslodt, beueelt ter noot

 

^†Dijn Gheest, in sVaders schoot.

‡ Phil. 4, 4

* ephe. 6, 11.

† Act. 7, 59.