Veelderhande liedekens, gemaect uut den Ouden ende Nieuwen Testamente

[Ick dancke Godt almachtich van zijn genade soet]

C Na de wijse: O Godt wy dancken dijnder goede.

^*ICk dancke Godt almachtich van zijn genade soet
^†En loue hem van vruechden met sange
^‡Sijn bermherticheyt die blijft inder eewicheyt goet
Dies en ben ick niet truerich noch banghe
Want ick weet dat mijn Godt mijn Heer
^*My verlaten sal nemmermeer
Hope en troost beyde tsamen
^†Laten my niet beschamen.

Christus is mijn hope, mijn troost, ^‡ en mijn salicheyt

^*Die my verlost heeft met zijnen bloede
Van duyuel, sonde, ^† helle, doot, en heeft my bereyt
^‡De wech die leyt ten eewigen goede
^*Hy is smal en seer benout
^†Maer die de Beloften betrout
Gheschoncken van ^‡ Godt des vreden
Hy sal hem wel doortreden.

Als Christus rijcke was, is hy arm gheworden, siet

Om ons (die arm zijn) rijcke te maken
^*Hy is verlost van al zijn smerte ende verdriet
^†Om wederom zijn glory te smaken
En sidt in grooter heerlicheyt
Sijn wtuercoren hy verbeyt
^‡Die met hem sullen regneren
Eeuwelijck triumpheren.
^*Christus als een onschuldich en onbeulecket Lam
^†Is voor ons arme sondaers ghestoruen

* Colo. 1, 3.

† Eph. 5, 19
Col. 3, 16.

‡ luc. 1, 46

* Josu. 1, 5.
Heb. 13, 5

† Ro. 5, 5.

‡ 2. Ti. 1, 9

* Col. 1, 13

† 1. Corin. 15, 55.

‡ Joan. 14, 6

* mat. 7, 13

† 4. es. 7, 7
Mat. 5, 3.
Luc. 13, 22.

‡ Hebre. 13, 20.

* 2. cor. 8, 9

† luc. 24, 25

‡ 1. tes. 4, 17

* 1. pet. 1, 19

† Ro. 5, 60

[fol. 183v]

 

^‡Waer door hy de vrientschap van zijnen Vader, die gram

 

Op ons was, wederom heeft verworuen

 

^*Hy heeft den wech open ghedaen

 

Waer door wy totten Vader gaen

 

Een ghenade niet om gronden

 

Heeft hy voor ons gheuonden.

 

Maer dese genade coemt alle menschen niet toe

 

Hoe wel sy haer daer af hooch berommen

 

Joannes die bescrijft ons claerlijc van Christo, hoe

 

^†Dat hy in zijn eygendom is commen

 

Maer de zijne, secht hy voortaen

 

En hebben hem niet ontfaen

 

Maer die hem ontfinghen alle

 

Gaf hy thueren gheualle.

 

^‡ Macht om te worden kinderen Gods die in zijn Naem

 

Gheloouen, ende niet zijn gheboren

 

Wt den bloede noch wt des vleesch wil onghehoorsaem

 

Noch wt den wil des mans die verloren

 

^*En verdoemt is door Adams val

 

Daerom wie salich wesen sal

 

^†Moet wt Godt gheboren wesen

 

^‡Door Christum nieu verresen.

 

^* Voorwaer voorwaer spreeckt Christus tot Nicodemum claer

 

Wie niet en wort geboren van bouen

 

Hy en mach Godes Rijcke niet sien dats openbaer

 

^†Die anders leert wert van Godt verschouen

 

Voorwaer voorwaer, seyt Christus noch

 

Wie niet en wort sonder bedroch

 

^‡Omghekeert als een kint cleene

 

Hy mist Gods Rijcke reene.

 

Christus heeft selue gesproken dese woorden plat

 

Men machse met gheen gloosen verdraeyen

 

^*Paulus seyt oock, soo wie op het vleesche saeyet, dat

 

Hy van tvleesch het verderuen sal maeyen

 

^†Wat wt vleesch gheboren is

‡ Eph. 2, 15

* Joan. 14, 6

† Joan. 1, 11

‡ Joan. 1, 12.

* Ro. 5, 18.

† Joan. 3, 3.

‡ Ro. 6, 4

* Joan. 3, 3.

† Gala. 1, 8.

‡ Mat. 18, 3

* Gal. 6, 10.

† Joan. 3, 6.

[fol. 184r]

 

Dat is vleesch, maer wat ghewis

 

Gheboren is wt den Gheeste

 

Dats Gheest, smaeckt dit ten keeste.

 

^* Die na den vleesche leuet sal steruen: maer so wie

 

Door den geest doodet des vleesches wercken

 

Die sal leuen, maer wie des vleesches wercken doet, die

 

^†En sal Godes Rijcke niet aenmercken

 

^‡Vleeschelijck te zijn ghesint

 

Dats de doot, na Schrifts beuint

 

Gheestelijcke ghesinthede

 

Dat is leuen en vrede.

 

^* Een vleeschelijc mensche van Godes Geeste niet smaeckt

 

^†Ende so wie niet en heeft vercreghen

 

Den Geest Christi, door welcken datmen om weldoen haeckt

 

^‡Die is met Christo niet, maer hem teghen

 

Gheen Christen, maer een Antechrist

 

Die al Godes ghenaden mist

 

Om dat hy hem laet bedrieghen

 

^*Door Tserpents listich lieghen.

 

Dese woorden ende meer ander geuen claer wt

 

^†Dat niet al die draghen Christus Name

 

Christen werden beuonden, ^‡ maer alleen Christus Bruyt

 

Sal door hem daer toe wesen bequame

 

Dats dat ^* nieu Jerusalem

 

Hy woont in haer, en sy in hem

 

^†Buyten zijn toouenaers, honden

 

Dootslaghers, lueghenmonden.

* Rom. 8, 13

† Gal. 5, 21.

‡ Ro. 8, 6.

* 1. cor. 2, 14

† Rom. 8, 9

‡ mat. 12, 30

* 2. cor. 11, 5.

† mat. 7, 21.

‡ eph. 5, 25

* Apo. 21, 2

† apo. 22, 15