Veelderhande liedekens, gemaect uut den Ouden ende Nieuwen Testamente

[Ick bid v Hemelsche Vader mijn]

C Na de wijse: Ick roep v O Hemelsche Vader aen.

ICk bid v Hemelsche Vader mijn
^‡Wilt mijn ghebet ontfanghen
Wilt mijnder doch ghenadich zijn
Al door de goetheyt dijn

‡ Psal. 5, 2. ende 17, 1.

[fol. 182r]

 

Toont my v claer aenschijn

 

^*Nae v staet mijn verlanghen.

 

Mijn sonden, O Heer, berouwen my seer

 

^†Och wiltse my vergheuen

 

^‡En vernieut my noch altijt meer

 

Dat ick my heel omkeer

 

^*Dat waer wel mijn begheer

 

Nae uwe woort te leuen.

 

Maeckt my doch weerdich, O Heer ient

 

^†Een steen tot uwen Tempel

 

^‡Ghefondeert op het Fondament

 

^*Christum v Soon bekent

 

Dien ghy hier hebt ghesent

 

^†Ons tot een exempel.

 

Den wech die hy is voorghegaen

 

^‡Dit valt mijn vleesch seer banghe

 

Dus wilt my Heer altijt bystaen

 

In gheenen noot versmaen

 

Dat bid ick v door sanghe.

 

Comt my te hulpe, O Vader goet

 

^*Wilt mijn gheloof vermeeren

 

^†Een bloeyende ranck ws wijnstocks soet

 

Maeckt my al metter spoet

 

Die nae v wille doet

 

Dat is al mijn begheeren.

 

Wilt my hier oock maken bequaem

 

O Heer der heyrscharen

 

^‡Een Lit te zijn aen v Lichaem

 

Ghy dat Hooft, so ick raem

 

Door v heylighe Naem

 

^*Wilt my van tquaet bewaren.

 

In sonden ben ick ontfanghen hier

 

^†End oock daer in gheboren

 

^‡Mijn boose vleesch en heeft gheen vier

 

^*Het hout gheern zijn manier

 

Helpt my dat ickt bestier

 

Oft tis met my verloren.

 

O Heere nu wilt my gheuen raet

* psa. 84, 3.

† Mat. 6, 12

‡ Ro. 12, 2.
Eph. 4, 23

* mat. 18, 3

† 1. Pet. 2, 5

‡ 1. cor. 3, 11

* mat. 3, 17 ende 7, 5.

† ioan. 13, 15
1. pet. 2, 21.

‡ 4. es. 7, 7
Mat. 7, 13
Luc. 13, 22

* Luc. 17, 5.

† Joan. 15, 2

‡ Rom. 12, 5
1. co. 12, 27
Eph. 5, 30

* eph. 1, 22
Col. 1, 18.

† mat. 6, 13

‡ psa. 51, 7

* Ro. 7, 23
Gal. 5, 17.

[fol. 182v]

 

Wat sal ick doch beginnen

 

Mijn vleesch is gheneghen tot quaet

 

^*De Gheest dat wederstaet

 

Ick roep tot v om baet

 

Dat ickt mocht ouerwinnen.

 

Weest niet verslaghen Leden teer

 

^†Ick sal v haest ontladen

 

Al stelt hem v vleesch seer hert te weer

 

Drucket toch altijt neer

 

En schickt v na mijn Leer

 

Ick sal v niet versmaden.

 

Vant vleesch v niet verwinnen laet

 

Nu noch tot gheenen tijden

 

Ick sal v haest comen te baet

 

Mijn woort stelt v de maet

 

Besiet wat daer in staet

 

Dat sal v doen verblijden.

 

Merckt wat haer wert beloeft ghewis

 

Die hier tvleesch ^‡ ouerwinnen

 

Sy sullen ontfaen de croon gheris

 

Dus weest blijde en fris

 

^*Daer vruecht sonder eynt is

 

Die gheen mensch en can versinnen.

 

Dus strijt volherdich totter doot

 

^†Ick sal v niet verlaten

 

Maer helpen v wt alder noot

 

Wt rechter Liefden bloot

 

Door bermherticheyt groot

 

Wilt dit in v herte vaten.

 

Ick sal chieren, met ^‡ cleeders wit

 

Die hier volherdich strijden

 

Dus doort gheloof, ^* waeckt ende bidt

 

V sal ghebueren dit

 

^†Dat ghy op mijn stoel sidt

 

Sonder eynde noch tijden.

 

Troost v met dees Beloften reyn

 

O ghy mijn Wtuercoren

 

Mijn goet sal v worden ghemeyn

 

En acht dit doch niet cleyn

* Gal. 5, 17.

† mat. 11, 28

‡ Apo. 2, 16

* 2. Cor. 2, 9

† Deu. 31, 8.
Josu. 1, 5.
Heb. 13, 5.

‡ 4. es. 2, 39.
Apo. 3, 5. ende 4, 4. ende 6, 11. ende 19, 8.

* mt. 26, 40
Eph. 6, 18

† apo. 3, 21

[fol. 183r]

 

In mijn Rijcke certeyn

 

Daer sult ghy vruecht orboren.

 

Die dit Liedeken heeft ghestelt

 

Ende eerstmael ginck dichten

 

Wort van zijn vleesch seere ghequelt

 

Den Gheest doetet oock ghewelt

 

Sijn lust ter neder velt

 

O Heer door v verlichten.