Veelderhande liedekens, gemaect uut den Ouden ende Nieuwen Testamente

[Ick hoorde in Sion een lieffelijcke stem]

C Na de wijse: Jesabels Priesters zijn opghestaen.

ICk hoorde in Sion een lieffelijcke stem
My docht het was de dochter Jerusalem
Ick luysterde na haer sanghen

[fol. 176r]

 

Sy loeft haer Bruygom, met gesanc prees sy hem

 

^*Doens was gheuanghen.

 

Ick wil (sprack sy) teghen Babel te weer

 

En verworpen Antechrist met zijn valsche leer

 

En stellen mijn Heer in zijn stede

 

^†Ja strijden ter doot toe, voor mijn Bruydegoms eer

 

^‡Al eer ick Balams wech trede

 

^*En Bel aenbede.

 

Sout ghy niet knielen bruyt dochter Sion

 

Als ick v mijn rijcken schat Egypti thoon

 

Bidt my aen, ick sallen v gheuen

 

Vercleynt v, en gaet eens tot Babylon

 

So suldy in vrede leuen

 

En zijn verheuen.

 

^† Wijct O Sathan, ghy zijt my hinderlijck

 

Ick bemin mijn Bruydegom bouen v Rijck

 

^‡Veruloeckt sydy met uwen ghelde

 

^*Ic lijt lieuer smaet, met Gods kinders gelijc

 

^†En woon met haer opten velde

 

Eer ick coos welde.

 

Mach ic v niet trecken, met so hoogen staet?

 

So sal ic v wel dwingen met tkeysers placaet

 

O Bruydegom laet dan zijn macht blijcken

 

En ghy ons meer preect, na v Bruydegoms raet

 

Ons handen suldy niet ontwijcken

 

Wilt noch omkijcken.

 

Tis beter mijn bruygom gehoorsaem geweest

 

Van v ^‡ Hoer van Babel met tgecroonde Beest

 

Ick acht niet op al v kijuen

 

Ic ben o ^* Antechrist, voor v dreygen nz beureest

 

Ghy moecht toch mijn Siel niet ontlijuen

 

Doet v gherijuen.

 

Hoe spreect ghy O Bruyt dus stout onbedacht?

 

^†Weet ghy niet dat ic v te dooden heb macht?

 

Tgelt v lijf, ons past op v reden

 

Want al mijn Boelen, zijn van Cains geslacht

 

Die v wel connen vertreden

 

^‡Voor lang ghebeden,

* Esa. 52, 2.
Bar. 5, 8.

† Eccli. 4, 35

‡ nu. 22, 20
Jude 11.

* Bel 2.

† mat. 16, 23

‡ Act. 8, 19.

* heb. 11, 25

† mic. 4, 10

‡ Apo. 13, 1. ende 17, 3.

* 1. ioan. 2, 18

† Joan. 19, 10

‡ mat. 23, 13

[fol. 176v]

 

Het rout my, ^† grote vermaerde hoer vol list

 

^‡Dat ic lang mijn Vaders goet, met v heb verquist

 

^*En heb v vuyl water gedroncken

 

V draf, v ^† suerdeech (mijns vaders broot ick mist)

 

Hebdy my ghenoech gheschoncken

 

Door v toeproncken.

 

O Bruyt snoyt v mont, oft ghy wert gheschent

 

^*Ic sit als een Coningin ^† in Gods stede ient

 

Met Paus, Bisschop, cardinaels en deecken

 

De Conincx der aerden zijn my obedient

 

Sout ghijt alleene teghenspreecken

 

Swijcht O ghy Leecken.

 

Mijn Bruydegom maect dit ^‡ dootmoedige bekent

 

Maer vHaer heeft hy met ongeloof verblent

 

V Wijsen en Rijcke mede

 

Laet v ^* Hoerderij, oft v naect een deerlijc ent

 

^†Doet goet, en soect den vrede

 

Laet v zijn lede.

 

^‡ Wildy ons straffen, ghy zijt ons swaer om seen

 

Swijcht oft men sal v met den swaersten doot ontleen

 

^*Wy mogen in de Wet niet dolen

 

V doen is ons teghen, v gheloof ons oneen

 

Waer v leer recht, ghy hielt gheen scholen

 

So verholen.

 

^† Mijn Bruydegoms leer, is al te goeden saet

 

Dan datmen voor honden sou saeyen op de straet

 

Ghy sout wel als verckens vertreden

 

Twil geen vrucht dragen, ^‡ in steenich ackers quaet

 

^*Noch onder geen dijstels mede

 

Tis oock gheen zede.

 

^† Het geeft my vreemt, en tverwondert my seer

 

Dat ghy trout sulck een versmaden Heer

 

^‡Die gheen Rijck en heeft op eerden

 

^*De Son heeft hem ooc swert verbrant, dat is meer

 

Hoe mach v lusten taenueerden?

 

^†Sulck een onweerden.

 

Mijn Bruydegom heeft dit voor my geleen

 

^‡Dat hem de Sonne so seer bescheen

 

^*Doen hy de persse trade

† Esec. 16, *

‡ luc. 15, 13

* ese. 34, 19

† mat. 16, 6
Luc. 12, 1.

* apo. 18, 7.

† 2. tes. 2, 4

‡ mat. 11, 25

* Esec. 16, *

† psa. 4, 15
1. Pet. 3, 11

‡ ier. 11, 19
sap. 2, 14.

* ier. 18, 18

† mat. 13, 19

‡ mar. 4, 5.
Luce. 8, 6.

* Jer. 4, 4

† 1. pet. 4, 4

‡ Joan. 18, 36

* Can. 1, 5

† Esa. 53, 6.

‡ Can. 1, 5

* Esa. 63, 3
apo. 19, 15

[fol. 177r]

 

Hy sach om hulp, maer hy en vant niet een

 

Sout ghy my nu dit afrade

 

Swijcht, O ghy quade.

 

Nu heet ghy my swijghen, Bruyt dochter Sioen

 

^†Om dat ghy zijt ghegaen wt Babijloen

 

Ghy moet noch een woestijn passeren

 

^‡Als ghy vint bitter water, gheen broot om voen

 

Suldy wel murmureren

 

Weer tot my keeren.

 

Swijcht Antechrist, ic acht v, noch v boel

 

Noch oock v dienaers opten lueghen stoel

 

Ick wil by mijn Bruydegom blijuen

 

^*Ghy sult noch branden inden vierighen poel

 

Wat mach v dan baten v kijuen

 

En v ontlijuen.

 

Men sou v niet dooden, wout ghy doen ons raet

 

^†Maer ghi scheyt v van ons, als van hoereerders quaet

 

Ghi acht ons wech sondich, vol scanden

 

Ghi noemt v Gods kint, ^‡ en Christus v Aduocaet

 

Laet hem dan trecken wt ons handen

 

Als wy v branden.

 

^*Mijn Bruygom gaet met my in water en vuer

 

^†Oft hy geeft my vlogels om v tontulien, waer duer

 

Dat roem sal zijn sonder crachte

 

Ick gae tot mijn Heer, mijn Bruydegoms puer

 

Adieu ghy Hoer goe nachte

 

Met v gheslachte.

 

Ick coom tot v, O Bruydegom mijn Heer

 

^‡Voor v alleen, heb ick ghesondicht seer

 

Och neemt my toch in ghenaden

 

Ick was teghen Antechrist inde weer

 

Hy ginck v seer versmaden

 

En my afraden.

 

Ick seyt v wel, dat hy sou comen ras

 

^*En dat hy doen al in de werelt was

 

Dat ghy voor v sout seene

 

Maer o Bruyt, ghy coemt my noch wel te pas

 

Willecom moet ghy alleene

 

^†Mijn vleesch, mijn beene.

† esa. 48, 20. ende 52, 11.

‡ Nu. 14, 2 ende 21, 5.

* apo. 19, 20 ende 20, 10. ende 21, 8.

† Sap. 2, 16

‡ 1. Joan. 2, 1

* Esa. 43, 12

† Apocali. 12, 19.

‡ Psa. 51, 6.
Luc. 15, 21

* 1. ioan. 2, 18

† Eph. 5, 30

[fol. 177v]

 

^‡ Ic heb v (O bruyt) voorsien voor swerelts gront

 

Coemt, haest v, ^* bereyt v lampen terstont

 

^†Vertreckt toch niet een vre

 

Tlaetste geclanck is al gegaen wt mijn mont

 

^‡Coemt totter Bruyloft pure

 

In schoon bordure.

 

^* De Draeck is quaet, O Bruydegom mijn Heer

 

Om dat ik my scheyde van Antechrists leer

 

En volghe O Bruydegom v zeden

 

Om dat ick met Babel gheen ^† hoerderij meer

 

Wou doen, als Antechrists ander leden

 

Noch wel deden.

 

Nu suldy ontfangen toprecht strijders loon

 

Een eewich ^‡ croon der eeren, O dochters van Sion

 

^*Niet ydel sal v arbeyt zijne

 

^†Ick wil voor v staen dienen om mijn tafel schoon

 

^‡En lauen met melck en wijne.

 

^*Voor v cleyn pijne.

 

Treet voort des Lams bruyloft is bereyt

 

^†Tghemeste Calf, met een bruylofts cleyt

 

Een Trourinck wtghenomen

 

^‡Een Cus des vreedts, met een Croon vol schoonheyt

 

Dit schinck ick v O vrome

 

Teen willecome.

 

^* Coemt o Vriendinne, mijn lieffelijcke bruyt

 

Coemt O teere Roosken die door doornen spruyt

 

^†Coemt O ghy Crijgherinne

 

Coemt O orloochs vrouwe ^‡ en doet v truercleet vuyt

 

Ghy sult den strijt wel winnen

 

^†Coemt en gaet binnen.

 

Hoe salich zijnse, O Prince hoort mijn

 

^*Die tot des Lams bruyloft gheroepen zijn

 

^†En die gheen onschult en maken

 

Maer die haer hals buygen, ^‡ met Hester fijn

 

En na ghehoorsaemheyt haken

 

In alle saken.

 

Oorlof aen Broeders, Susters fijn

 

Ick bid v, neemt dit in danck van mijn

 

Ick groet v hertelijck hier mede

‡ Eph. 1, 4.

* mat. 25, 1

† eccli. 5, 8.
Hebr. 3, 7. ende 4, 7.

‡ mat. 22, 2
Apo. 19, 7

* Apocali. 12, 22.

† ese. 16, *.

‡ Sap. 5, 17
Apo. 2, 10

* esa. 65, 22

† luc. 12, 37

‡ Esa. 55, 1

* ioan. 16, 33

† luc. 15, 22

‡ Cant. 1, 1.

* Can. 2, 15. ende 6, 4.

† mic. 4, 14.

‡ Bar. 5, 3

† mat. 25, 10

* Apo. 19, 7

† luc. 14, 18

‡ 1. hest. 5, 2

[fol. 178r]

 

^*Hout dat ghy hebt, ^† schouwet alle valsche schijn

 

Ick wensch v Godes vrede

 

Wilt voor my bede.

* 2. Joan. 8.
Apo. 3, 11.

† 2. tes. 5, 22