Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
AuteursrechtvrijC Nae de wijse: Alst beghint.
ICk heb ghesien den tijt
Waer is hy nu gheuaren
Dat ick plach zijn verblijt
Met alle Gods dienaren
Maer druck ende beswaren
Is my nu comen by
Mijn noot moet ick verclaren
| |
[Folio 165r]
| |
Op dat ick ghetroost sy.
Voormaels was mijnen lust
In Christus leere reene
Vierich en wel gherust
Doorsocht ickse ghemeene
En door Gods cracht alleene
Voochdick my oock daer naer
Om elcken groot en cleene
Een licht te wesen claer.
Vele die oock van Godt
Daer toe waren vercoren
Heb ick nae zijn ghebot
Twoort Gods ghehouden vooren
Op dat zijt mochten hooren
En doen dat Godt ghebiet
En met hem vruecht orbooren
Eeuwich sonder verdriet.
Dus zijnde op den padt
Om te wandelen blijtlijck
Ga naar margenoot*Nae de Hemelsche Stadt
Verachtende dit tijtlijck
Heeft my de Viant nijtlijck
Eer my sulcx was bekent
Door zijnen raet seer ijtlijck
Ghebrocht in swaer torment.
Want een doodelijcke zaet
Saeyt hy in my te male
Dwelcke was eyghen raet
En wies op tmijnder quale
Want siet mijn principale
Sinnen heeftet verdooft
Dat ickt int generale
Te veel hebbe ghelooft.
Dus liep ick so ghetroost
Als met verbonden ooghen
Reysende West en Oost
Tot niet langher ghedooghen
Wilde, die int vermoghen
Groot is, te weten Godt
| |
[Folio 165v]
| |
En heeft alle mijn pooghen
Te niet ghemaeckt seer bodt.
Ghelijck een valstrick haest
De voghels is omuaende
Vant ick my oock verbaest
Int badt des droefheyts baende
Ga naar margenoot†Ghecastijt eer ikt waende
Van mijnen Vader goet
Scherpelijck was hy slaende
Maer twas al mijn behoet.
Den slach zijnde op tlijf
Viel my om dooghen suerlijck
De pijne dructe stijf
Daer toe wasse gheduerlijck
Maer met veel tranen truerlijck
Riep ick nacht ende dach
Tot Godt, die my fafuerlijck
Ghenadichlijck aensach.
Als de castijdinge was
Gheent, door zijn goe zeden
Cust hy my op dat pas
Met zijnen mont des vreden
En hiet my weder treden
Als eerst, na zijne stem
Met ghehoorsamicheden
Ga naar margenoot*Tot Tnieu Jerusalem.
Vol vruecht en vol confoort
Was ick buyten en binnen
Ick ghinck vrymoedich voort
Om dese Stadt te winnen
Corts daer na om doen dinnen
Mijn vruecht, heeft Sathan loos
Wederom gaen beghinnen
Om saeyen zijn zaet broos.
Ga naar margenoot† Desen Leeu niet en viert
By daghe noch by nachte
Altijt hy practisiert
Met loosheyt en met crachte
Om aen my vesten clachte
| |
[Folio 166r]
| |
Ouer sommighe, die
Voormaels, alsmen verachte
My, waren als partie.
Bedruct ende bedroeft
Ben ick nu weer ellendich
Dies my wel troost behoeft
Vanden Vader onendich
Want de Duyuel behendich.
Die soeckt door sinnen swaer
My te maken afwendich
Van Godes woort eerbaer.
Als ick my meyne wel
Te stellen om te lesen
So ist hooft met ghequel
Vol ghedachten gheresen
Ja eer ick can ghewesen
Ghetroost in mijnen noot
Vindick my dus gheknesen
Door zijn ingheuen bloot.
Daerom ghy Christen aert
Die deelachtich int lijden
Sijt, van Christo vermaert
Wilt my nu helpen strijden
Met bidden tallen tijden
Voor my tot onsen Heer
Dat hy my wil beurijden
En troosten door zijn leer.
Dat ick verdragen mach
Ga naar margenoot*Des viants groot temteren
Daer hy my nacht en dach
Mede coemt persequeren
Dat ick mach renoueren
Tghene dat was veront
En den Sathan verneren
Met zijne luegens stout.
Och Broeders van nu voort
Wilt v toch heel bewaren
Dat ghy in soet accoort
Alle tijt moecht vergaren
| |
[Folio 166v]
| |
Quade suspecte maren
Vliet, eer hem een bedroeft
Want tmaect seer groot beswaren
Hy weet seer wel diet proeft.
Al heeftmen douerhant
Van veel saken vercreghen
Den Boom staet vast gheplant
Die niemant can beweghen
Wie weet wat hem beieghen
Sal, eer hy van hier scheyt
Storm, Hagel ende Reghen
Doen menighen groot leyt.
Oorlof alle ghemeyn
Christen Broeders beseuen
Oorsaecke groot noch cleyn
Tot druck wilt niemant gheuen
Had ick sulcx niet bedreuen
Maer den swacken altijt
Ontlast, van sdroefheyts sneuen
Ick waer noch wel verblijt.
|