Veelderhande liedekens, gemaect uut den Ouden ende Nieuwen Testamente

[Ick wil my gaen verhueghen]

C Na de wijse: Alst begint.

ICk wil my gaen verhueghen
Verblijden in mijnen moet
Ick weet ten is gheen lueghen
Na tsuer so coemtet soet
Den kelck als roet
^*Die moet eerst zijn ghedroncken
Godts Soon was goet
^†Hy is hem eerst gheschoncken.
Christus heeft, wiltet vaten
^‡Al inden vleesch gheleen
Om een ^* exempel ghelaten
Sijn voetstappen na te treen
Wapent v ghemeen
Met dien sin al te samen
^†Het moet doch zijn ghestreen
Wie Christum niet en wil schamen.
^‡ Wie hem schaemt, seyt hy claerlijck
Voor dit ouerspelighe gheslacht
Die sal hy weder schamen waerlijck
Voor zijnen Vader dit niet veracht
Weest wijselijck bedacht
En ghedenckt de eeuwighe smerten
Daer staet wee, hier op acht
Ouer die daer zijn dobbel van herten.
Hierom so laet ons leuen
^*Wt den ghelooue alleyn
Habacuc heeftet beschreuen
Also sal den rechtueerdighen pleyn
Acht dat niet cleyn
Dat ghy gheueynst sout wesen
^†Gods Gheest die vliet certeyn
Den gheueynsden, so wy lesen.
Nu laet ons in Godts weghen

* mat. 20, 22
mar. 10, 38

† Matthe. 27, 49.
mar. 15, 37

‡ 1. pe. 2, 21

* ioan. 13, 15
Phil. 2, 5.
1. Joan. 2, 6

† eph. 6, 16
1. pet. 4, 1.

‡ mt. 10, 33
mar. 8, 38.
Luc. 9, 26 ende 12, 9.

* Aba. 2, 4.
Ro. 1, 17.
Gala. 3, 11
heb. 10, 38.

† Sapi. 1, 5.

[fol. 152v]

 

Oprecht gaen alst behoort

 

^‡Tvleesch, is tot quaet gheneghen

 

Elck acht zijn nieu gheboort

 

^*Gaet int vleesch niet voort

 

Ghy die inden gheest hebt begonnen

 

Laet v siel niet versmoort

 

Die Christus heeft ghewonnen.

 

^† Sijt ghy met Christo verresen

 

^‡So soeckt dat daer bouen is

 

^*Daer Christus is ghepresen

 

In de heerlijckheyt zijns Vaders fris

 

^†De werelt sal ris

 

Vergaen met haren lusten

 

De gheloouighe sal wis

 

Ingaen tot zijnder rusten.

 

^‡ Tghelooue sonder de wercken

 

Dat is doot, seyt Jacobus siet

 

Op Paulus reden wilt mercken

 

^*Het is sonder de liefde al niet

 

Hierom met vliet

 

Bemint de een de ander

 

Als ons Christus ghebiet

 

^†Dat wy lief souden hebben malcander.

 

^‡ Ende alle menschen mede

 

So ons de Schriftuere leert

 

^*Ist moghelijck hout vrede

 

Met een yeghelijck diet begheert

 

Blijft ghefondeert

 

^†Als de werelt en wilt v niet stellen

 

Hoe sy ons persequeert

 

Tis hier een weynich quellen.

 

Nu vrienden allegader

 

Laet ons doch trecken een lijn

 

Wy hebben so lieuen Vader

 

Laet ons dien ghehoorsaem zijn

 

Om druck, noch om pijn

 

Hem gheensins te verstooren

 

Voort laet ons fijn

 

Eendrachtighe liefde orbooren.

‡ Gene. 6, 5. ende 8, 21.

* Gal. 3, 3.

† Ro. 14, 7.
2. cor. 5, 15.
Gal. 2, 20.
Colo. 3, 1.

‡ phil. 3, 20

* psa. 110, 1
Eph. 1, 20
Hebr. 1, 13. ende 10, 12.

† Eccli. 14, 17.
2. cor. 7, 31.
1. ioan. 2, 18

‡ Jac. 2, 17

* 1. cor. 13, 2

† mt. 22, 38
Luc. 19, 19
ioan. 13, 34. ende 15, 12.
1. Tes. 4, 9
1. Pet. 4, 8
1. ioan. 3, 23. ende 4, 21.

‡ 2. pet. 1, 7

* Ro. 12, 18
1. Tes. 5, 15

† Ro. 12, 2.
Jac. 4, 4.