Veelderhande liedekens, gemaect uut den Ouden ende Nieuwen Testamente

[Hoort alle menschen cleyn en groot]

C Na de wijse: Te Nieupoort woont een vrouken fijn.

HOort alle menschen cleyn en groot
Wilt v toch laten leeren
Al metter rechter waerheyt bloot
Geschoncken van Godt den Heere, Ja Heere.

Wilt nu des Heeren woort ontfaen

Ghy Mannen ende Vrouwen
En stelt v op de rechte baen
Oft het sal v berouwen, Ja rouwen.

O menschen menschen nemet waer

De tijt die is voor handen
Ghy hebt gheleeft so menich Jaer
Ick vrees tot uwer schanden, Ja schanden.
^† Weet ghy niet wien ghy ghehoorsaem zijt
Diens knechten zijt ghy beseuen
Maeckt v van uwen sonden quijt
Wilt na de waerheyt leuen, Ja leuen.

Keert v, keert v tis meer dan tijt

Van uwe quade weghen
En bidt den Heere ghebenedijt
Hy sal ghenade gheuen, Ja gheuen.

† Joan. 8, 34
Ro. 6, 16.
2. pet. 2, 19

[fol. 131v]

 

Al werdy van de werelt benijt

 

En oock van haer verknesen

 

^*De knecht en mach tot gheender tijt

 

Bouen zijn meester niet wesen, Ja wesen.

 

^† De Heere heeft so veel gheleden

 

Om ons te brenghen wt weene

 

^‡Sijn Vader heeft hy so seer ghebeden

 

Voor zijn ghemeynte reene, Ja reene.

 

^* Keert v van allen valschen schijn

 

^†En wilt op Christum bouwen

 

^‡Vermaledijt so sullen sy zijn

 

Al die op menschen betrouwen, Ja trouwen.

 

De werelt die wert nu ouer al

 

Gheleert na menschen gheboden

 

Peynst om den tijt die comen sal

 

^*Wacht v vanden Afgoden, Ja Goden.

 

Maer wilt den Heere ghehoorsaem zijn

 

Volcht hem in alle weghen

 

^†Hy is de wech, de waerheyt fijn

 

^‡De duere, en oock dat leuen, Ja leuen.

 

^* Wilt drincken zijnen claren wijn

 

Om niet wilt hy hem gheuen

 

Maer wacht v vander slanghen fenijn

 

Want sy staet na v leuen, Ja leuen.

 

Trect v wt deser werelt quaet

 

Daer ghy langhe in hebt ghesteken.

 

En wilt oock doen na Christus raet

 

Schout al des Duyuels treken, Ja treken.

 

^† Vreest niet de menschen, quaet van getier

 

Noch van al haren ghequelle

 

Maer vreest die lijf en siele schier

 

Mach werpen in de Helle, Ja Helle.

 

^‡ Hemel en Aerde sullen vergaen

 

^*Maer tsHeeren woort sal eeuwich blijuen

 

Al die daer vroom op blijuen staen

 

Sullen met Godt beclijuen, Ja clijuen.

 

Laet varen de Hoer van Babel

 

Met al haer valsche Propheten

 

Wiese aenhangt blijft int ghequel

* mat. 10, 24
Joan. 13, 16 ende 15, 20.

† mat. 27, *

‡ ioan. 17, 9 ende 20.

* 1. Tessal. 5, 22.

† 1. co. 3, 12

‡ Jer. 17, 5

* 1. cor. 10, 7 ende 14.

† Joan. 14, 6

‡ ioan. 10, 9

* esa. 55, 1.

† esa. 51, 12
Jere. 1, 8.
mat. 10, 28
Luc. 12, 4

‡ esa. 51, 6.
mat. 24, 35
2. pet. 3, 10
Heb. 1, 11.

* psa. 33, 4 ende 119, 89.
Esa. 40, 8
1. Pet. 1, 25

[fol. 132r]

 

Hoe hooch sy zijn gheseten, Ja seten.

 

^† Die tot v comen in schaeps ghelaet

 

Wilt van sodanighen vluchten

 

Want binnen zijnse woluen quaet

 

Men kentse wel aen haer vruchten, Ja vruchten.

 

^‡ Vreest Godt, vreest Godt, en hebt hem lief

 

Vwen hooghen moet wilt laten sincken

 

^*Want hy sal comen als een dief

 

Als ghyer niet op en sult dincken, Ja dincken.

 

^† Wildy de goede daghen sien

 

Hier na eeuwelijck leuen

 

Van quaet te spreken wilt v vermien

 

Wilt alle duecht aencleuen, Ja cleuen.

 

Ick bid v Heer voor de schapen al

 

Die daer onwetens dwalen

 

Steltse op ^‡ den wech die daer is seer smal

 

Wie daer op blijft, en mach nz falen, Ja falen.

 

Orlof hier me, neemt dit Liet in danck

 

Ick schenckt v al ghemeyne

 

Diet heeft ghestelt, hy is seer cranck

 

Van duechden is hy cleyne, Ja cleyne.

† mt. 7, 15.

‡ eccle. 12, 11
Apo. 14, 7

* mt. 14, 43
1. Tes. 5, 2.
2. pet. 3, 10
Apo. 3, 3.

† psa. 24, 13
1. pet. 2, 10

‡ 4. esd. 7, 7
mat. 7, 13.
Luc. 13, 22