Veelderhande liedekens, gemaect uut den Ouden ende Nieuwen Testamente

[Hoe wonderlijc zijn de wercken Gods]

C Na de wijse: Een Ridder en een Meysken ionck.

^†HOe wonderlijc zijn de wercken Gods
Onbegrijpelijck zijn zijn weghen
^‡Hy leyt ter Hellen, en weder wt
^*Hy can slaen ende ghenesen.
^† Seer onbekent, is de vernuft
Der goddelijcker saken
Maer inden Heere set v gherust
Hy weet so wel te maken.

Aenroept den Heere in uwen noot

In hem wilt v begheuen
^‡Hy is alleen die daer slaet doot
En weder brenghet dleuen.
^* Int oordeel en zijt niet ghereet
Int verdoemen wilt niet raken
Want dat de Heere ghebroken heeft
Dat can hy wederom maken.

Seer dom so is des menschen sin

^†Heel ydel is zijn hantieren
^‡Maer laet den Heere v sorghe zijn
Hy salt so wel regieren.

Betrout den Heere al datter leeft

Neemt hope tot eender eruen
^*Want so seer als hy gheslaghen heeft
So can hy weder saluen.

Ghelooft de Schriftuere ghewis

Verstaetse tot uwer leere
^†Dat by den onmoghelijck is
Is moghelijck by den Heere.

Het was een vrouken van wesen slecht

De Heere was haer verbeyden

† apo. 15, 4.

‡ 1. Re. 2, 6.
sap. 16, 13.
Tob. 13, 2.

* Deutero. 32, 39.

† Joan. 5, 18.

‡ deu. 32, 39.
1. Re. 2, 6.

* mat. 7, 1.
Luc. 6, 37.

† Sap. 13, 1

‡ psa. 55, 23
1. Pet. 5, 7

* Job 5, 18.

† mat. 19, 26
mar. 10, 27
luc. 18, 27.

[fol. 126r]

 

Alleen aen hem hout sy haer recht

 

Daer en wiltse oock niet afscheyden.