Veelderhande liedekens, gemaect uut den Ouden ende Nieuwen Testamente

[Hoort toe ghy Christen alle]

C Nae de wijse: Wel op ghy Crijschlieden alle.

HOort toe ghy Christen alle
Aensiet doch dit iolijt
Wat ons coemt te gheualle
^*In desen bedroefden tijt

* Dan. 12, 21

[fol. 120r]

 

Hoe dat de Heer heeft ons alle verblijt

 

^†Door tverstant zijns woorts ghebenedijt

 

^‡Alsulcken lieuen Vader

 

Hebben de Christen allegader.

 

Merct mannen ende wijuen

 

Wat liefde hy ons thoont

 

So wy inder liefden blijuen

 

Wy sullen ^* werden ghecroont

 

En gaen in alder gherechticheyt

 

Den wech die totten leuen leyt

 

Tot onsen lieuen Vader

 

Daer na ^† verlangt ons allegader.

 

^‡ Dus en wilt nu niet vreesen

 

^*Neemt zijn woort met liefden aen

 

^†Wilt hem ghehoorsaem wesen

 

Gaet op de rechte baen

 

^‡De poorte is enghe, de wech is smal

 

Die ons leyt in dat Hemelsche Dal

 

Tot onsen lieuen Vader

 

^*Daer nae verlangt ons allegader.

 

Wy ^† waren al verloren

 

In onse sonden versmoort

 

^‡Nu zijn wy weder gheboren

 

Door ^* Godes leuende woort

 

Dat is onser herten medecijn

 

Met Christo in zijn Rijck te zijn

 

By onsen lieuen Vader

 

^†Daer na verlangt ons alle gader.

 

Staet op wilt v bereyden

 

^‡Wapent v met gherechticheyt

 

Wilt doch ^* niet langher verbeyden

 

Doet aen v ^† bruylofts cleyt

 

^‡Beclaghet v sonden met herten leyt

 

En gaet met grooter ^* ootmoedicheyt

 

Tot onsen lieuen Vader

 

Hy sal ^† ons vertroosten allegader.

 

^‡ Laet ons met onsen Heere

 

Buyten Jerusalem gaen

 

Sijn smaetheyt helpen draghen

† mat. 13, 44

‡ exo. 20, 1.
esa. 49, 15.
Mat. 6, 9.
1. Joan. 3, 1.

* 4. es. 2, 43
2. tim. 4, 8
Jaco. 1, 12.
Apo. 2, 10

† 2. cor. 5, 2

‡ mt. 10, 28

* Jac. 1, 21.

† phil. 2, 12

‡ 4. esd. 7, 7
Mat. 7, 13
Luc. 13, 22

* 2. cor. 5, 2

† col. 2, 14.

‡ Joan. 3, 3.

*

† 2. Cor. 5, 2

‡ Eph. 6, 17

* Eccli. 5, 8

† mt. 22, 12

‡ Act. 2, 38

* 1. Pe. 5, 5

† Mat. 5, 4

‡ heb. 13, 13

[fol. 120v]

 

Die hy ^* voor ons heeft ontfaen

 

^†En loopen den camp metter spoet

 

So comen wy in dat eeuwighe goet

 

By onsen lieuen Vader

 

Daer ^‡ na verlangt ons allegader.

 

^* Wat sullen wy hem weder gheuen

 

Voor dese liefde groot

 

Dat hy ons gheeft dat leuen

 

En verlost vander doot

 

Ende maeckt ons van sonden reyn

 

Ende ^† stelt ons in themelsche pleyn

 

By onsen lieuen Vader

 

^‡Daer na verlangt ons allegader.

 

^* Mijn leuen wil ick laten

 

Voor zijn woorden claer

 

^†Hy heeft wt charitaten

 

Tzijne ghelaten voorwaer

 

^‡Lijden wy met Christo een cleyne tijt

 

So comen wy in dat hemelsche iolijt

 

By onsen lieuen Vader

 

^*Daer na verlangt ons allegader.

 

^† Dat ons hier sal ghebueren

 

Dats vier, water en swaert

 

Daerom en wilt niet trueren

 

Maer strijt stout onueruaert

 

Volbrengt met herten Godes woort

 

Al is de werelt daerom ghestoort

 

Ghelooft den Hemelschen Vader

 

In zijne woorden allegader.

 

Prince ^‡ Heere der Heeren

 

Ghelouet so moet ghy zijn

 

^*Wilt ons gheloof vermeeren

 

In desen corten termijn

 

Behoet ons voor des Duyuels leyt

 

^†Gheeft ons een rechte eenicheyt

 

Hemelsche lieue Vader

 

In v woort allegader.

* Esa. 53, 7.

† heb. 12, 1.

‡ 2. Cor. 5, 2

* ps. 116, 12

† Eph. 2, 5.

‡ 2. Cor. 5, 2

* mt. 10, 39 ende 16, 25.
mar. 8, 35.

† sap. 3, 9.

‡ Ro. 8, 17
2. tim. 2, 11

* 2. Cor. 5, 2

† Joan. 16, 2

‡ 1. tim. 6, 15
apo. 17, 14 ende 19, 16.

* Luc. 17, 5

† Eph. 4, 3