Veelderhande liedekens, gemaect uut den Ouden ende Nieuwen Testamente

[Ghy Broeders altesamen][

C Na de wijse: Ghy Borghers opter aerden.

GHy Broeders altesamen
Die ^‡ Christum hebt aenghedaen
^*Wilt v Gods woort niet schamen
Wandelt reyn na tbetamen
Dat ghy vroom moecht blijuen staen.
^† In Christus doot verheuen

‡ Gal. 3, 27.

* mar. 8, 38
Luc. 9, 26 ende 12, 9.

† Ro. 6, 3.

[fol. 107r]

 

V sonden begrauen zijn

 

Hoe sout ghy die noch leuen

 

Siet waer toe ghy v hebt begheuen

 

^*Om hem na te treden fijn.

 

^† Sijn wy Christus litmaten

 

Och Broeders en Susters siet

 

So laet ons dit wel vaten

 

^‡Die aencleuende sonde te haten

 

Al dat ons noch druckt, met vliet.

 

Broeders ^* wt Godt gheboren

 

Ende Susters excellent

 

Laet ons Godts woort niet smoren

 

Dat wy nu hebben vercoren

 

Maer uwen loop recht volent.

 

En wilt nu wel bewaren

 

V gheloof den edelen schadt

 

Willet voor de menschen verclaren

 

Op dat ghy moecht wel varen

 

By uwen Vader, ^† in de schoone Stadt.

 

^‡ Reyn, heylich wilt nu wesen

 

Ghy die door twoort ghebaert zijt schier

 

Ghelijck hy reyn is ghepresen

 

Spreeckt de Heer, acht op desen

 

So wilt v reynighen hier.

 

Te recht wilt hem doch dancken

 

Die ons gheroepen heeft fijn

 

Verlost van sDuyuels stancken

 

En ons ghestelt ^* tot rancken

 

Jae oock tot ^† litmaten zijn.

 

Denckt Broeders wtuercoren

 

Wat een ghenade is ons verclaert

 

Wy waren al verloren

 

Veruallen in Gods toren

 

Daer van zijn wy nu bewaert.

 

^‡ In dien wy hier volherden

 

Behouden ons gheloof seer fijn

 

So sullen ^* wy ghecroont werden

 

^†Blinckende cleederen aenueerden

 

By Christum in vruechden zijn.

* Joan. 13, 15
1. Pe. 2, 21.
1. Joan. 2, 6

† Ro. 12, 5.
1. cor. 12, 27
Eph. 1, 23. ende 4, 17. ende 5, 23.
Col. 1, 24.

‡ Heb. 12, 1

* 1. ioan. 3, 9 ende 5, 18.

† Apo. 21, 2. ende 10.

‡ leu. 11, 44
1. Pe. 1, 16

* Esa. 5, 7.
Joan. 15, 5.

† Ro. 12, 5.
1. cor. 12, 27
Eph. 5, 23.
Col. 1, 24.

‡ mt. 10, 22 ende 24, 13.

* sap. 5, 17.
4. esd. 2, 43
2. tim. 4, 8
1. pet. 5, 4.
Jaco. 1, 12.
Apo. 2, 10

† apo. 6, 11

[fol. 107v]

 

Reyst nu sonder verbeyden

 

Nae dese beloften schoon

 

^‡Laet v niet verleyden

 

Blijft op de rechte weyden

 

So sult ghy ontfanghen de croon.

 

Crijcht vroom en onuerslaghen

 

^*Met ghewelt dese Stadt in nemt

 

Ontsiet gheen droeue daghen

 

Wilt hier v lichaem aen waghen

 

Want v loon is eeuwich bestemt.

 

Wilt niet te rugghe keeren

 

Die zijt op de rechte baen

 

Maer bidt den Heer der Heeren

 

Om v ghelooue te vermeeren

 

So blijft ghy vromelijck staen.

 

So mach v niemant letten

 

Ghy sult dan wel verwinnen bloot

 

Al die haer teghen v setten

 

Die sullen te niet gaen als sletten

 

Ghy ^‡ sultse verslinden als broot.

 

Ons hooghe Prince verheuen

 

Recht, bouen alle mandaet

 

Hy sal ons niet begheuen

 

Als wy hier worden verdreuen

 

^*Want wy lijden toch om gheen quaet.

 

Eeuwich lof, prijs ende eere

 

Sy God den Heere vermaert

 

Die ons tot elcken keere

 

Door zijn ghenade seere

 

Van het quade heeft bewaert.

 

Niet meer op dese tijden

 

Broeders en Susters ghemeyn

 

^†Waeckt, bidt, zijt vroom int strijden

 

Wilt vander waerheyt niet glijden

 

Maer blijft vast op Christum reyn.

‡ Jer. 29, 8.
mat. 24, 4
Eph. 5, 6.
Col. 2, 18.
2. Tes. 2, 2.

* mat. 11, 12

‡ Nu. 14, 9

* 1. pet. 4, 15

† Ro. 12, 12.
Eph. 6, 18
Colo. 4, 2
1. Tes. 5, 17
2. Tess. 3, 1