Veelderhande liedekens, gemaect uut den Ouden ende Nieuwen Testamente

[Ghy vriendekens wilt hooren wat]

C Na de wijse: Vader onse in Hemelrijck.

GHy vriendekens wilt hooren wat
Paulus ^* vermaent (tvercoren vat)

* Act. 9, 15.

[fol. 89v]

 

^†Dat wy souden ons lichaem fijn

 

Tot een offer gheuende zijn

 

Heylich Godtdienstich, niet traechlijck

 

Die Gode sy behaechlijck.

 

^‡ Stelt v niet als de Werelt doet

 

Maer verandert ws sins ghemoet

 

Op dat ghy proeuen moecht hier by

 

Welck daer ^* Gods goeden wille sy

 

Also ^† dat niemant van nu voort

 

Van hem meer houde dant behoort.

 

Maer dat hy houde statelijck

 

Van hem seluen seer matelijck

 

^‡Een yeghelijck na dat hem Godt

 

Wtghedeelt heeft (voor salich lot)

 

De mate des gheloofs eerbaer

 

Waer by men Godt behaecht eenpaer.

 

^* Want ghelijck wy in een Lichaem

 

Hebben veel Leden bequaem

 

Maer alle Leden cranck oft sterck

 

Niet al ghelijck hebben een werck

 

^†So zijn wy veel in Christo net

 

Tot onderstant elck anders Let.

 

Wy sHeeren generatie.

 

^‡Na die ghegheuen gratie

 

Hebben als Leden onderdaen

 

Menigerley gauen ontfaen

 

Seer wel beraen, ghesticht van dien

 

Moet Godt eeuwighen lof gheschien.

 

^* Heeft yemant prophecie publijck

 

Sy sy den ghelooue ghelijck

 

Heeft yemant dienst, hy sla zijns gae

 

Leert yemant, hy volghe sulcx nae

 

^†Vermaent yemant, wijs gheingient

 

Tvermaen wel ga gheslaghen dient.

 

^‡ Gheeft yemant den behoefden wat

 

So gheue hy simpelijck dat

 

^*Regeert yemant ghehuldelijck

 

So sy hy des sorchfuldelijck

 

^†Oeffent yemant bermherticheyt

† Rom. 12, 1
1. Pet. 2, 5

‡ Rom. 12, 2
1. ioan. 2, 15.

* Eph. 5, 17

† Ro. 12, 3.

‡ 1. cor. 12, 11
Eph. 4, 9

* Ro. 12, 4.
1. cor. 12, 12
Eph. 4, 11

† Rom. 12, 5
1. cor. 12, 27

‡ Ro. 12, 6.
1. cor. 12, 4
2. cor. 4, 13

* Ro. 12, 7.
1. pet. 4, 11

† Rom. 12, 8

‡ deu. 15, 10
Mat. 6, 3.
2. Cor. 9, 7

* rom. 12, 8

† deu. 15, 10
2. cor. 9, 7.

[fol. 90r]

 

Hy doe dat met lustich arbeyt.

 

^† Liefde sy ongeueynst voortaen

 

^‡Hatet quaet, hangt dat goede aen

 

^*Met broederlijcke liefde zijt

 

Vriendelijck sonder haet ofte nijt

 

^†Deen voorcome den ander reyn

 

Met eerbiedinghe int ghemeyn.

 

^‡ Tvoornemen niet traghelijck ent

 

Sijt vierich inden gheest bekent

 

Gheschiet, v na den tijt gheneert

 

Sijt ^* vrolijck inder hoep expeert

 

^†Patientich in druck en leet

 

Ghestadich tot tgebet bereet.

 

^‡ Dheylighen nootdruftich pacyfiert

 

^*Siet dat ghy oock gheerne logiert

 

^†Die v veruolcht ghebenedijt

 

Gheestich metten blijden verblijt

 

Ende met de weenende weent

 

Soeckt gheen hoocheyt, maer v vercleent.

 

^‡ V seluen niet voor wijs becroont

 

^*Quaet met quaet oock niemant en loont

 

Sijt vlijtich, ^† eerbaer, hueghelijck

 

Teghen elcken, ist niuegelijck

 

Met alle menschen vrede hebt

 

^‡Vruecht in eendrachtichede schept.

 

^* Mijn liefste wreect v seluen niet

 

Maer den toorne Godts plaetse biet

 

Want daer staet dus gheschreuen bloot

 

^†De wraecke is mijn cleyn en groot

 

Ick sal ter noot loonende zijn

 

Spreect de Heer der Heeren fijn.

 

^‡ Honghert oft dorst uwen viant

 

Met spijs en dranck, doet hem bystant

 

Ghy sult vergaren (dit ghelooft)

 

Vierighe colen op zijn hooft

 

Voor tslot, het ^* quaet niet bemint

 

^†Maer tquaet metten goeden verwint.

† Ro. 12, 9.

‡ ps. 97, 10
Amo. 5, 15

* Ro. 12, 10

† eph. 4, 2.
1. Pet. 1, 32
Heb. 13, 1.

‡ Phil. 2, 2
1. Pet. 5, 5

* Ro. 12, 12
Phil. 4, 4
1. Tes. 5, 16

† Ro. 5, 3.

‡ Ro. 12, 13

* Heb. 13, 2

† mat. 5, 44

‡ ro. 12, 16.

* Pro. 3, 7
Esai. 5, 21.

† pro 20, 22
1. Tes. 5, 15
1. Pet. 3, 9

‡ 2. co. 8, 21
1. pet. 2, 12.

* ro. 12, 19.
Heb. 12, 14

† deu. 32, 35
heb. 10, 30

‡ pro. 25, 21
Ro. 12, 20.

* psa. 97, 10
Amo. 5, 15

† mat. 5, 44
Ro. 12, 21.