Veelderhande liedekens, gemaect uut den Ouden ende Nieuwen Testamente

[Ghy Broeders en Susters weest verblijt]

C Na de wijse: Ontwaect wten slaep wie dat ghy zijt.

GHy Broeders en Susters weest verblijt
^‡Als ghy veruolginghe lijt
Om Christus Naem ghebenedijt
Want dat Rijcke Gods sal v erue wesen
Vermaect v met Gods Gheest altijt
Want ghy toch salich zijt
Als ghy om twoort Gods wort benijt
So wy Mattheus int vijfde lesen
Paulus seyt voorwaer
Twee Timothei, int derde claer
^*Al die Godsalich willen leuen
Moeten veruolcht worden en verdreuen.

‡ Mat. 5, 10
Luc. 6, 22.
1. pet. 4, 14

* 2. Ti. 3, 12

[fol. 85r]

 

^† Niet dan tribulatie, voort

 

Heeft hier de Christen nacie, hoort

 

Als Mattheus oorboort

 

Tstaet int vierentwintichste gheschreuen

 

Met groot discoort, om Gods woort

 

^‡Suldy worden vermoort

 

Van alle menschen verstoort

 

Alleen om Christus Naem verheuen

 

Lucas int neghende staet

 

^*So wie zijn leuen laet

 

Om Christus Naem, die salt behouwen

 

Dus en laet ons van Gods woort niet verflouwen.

 

^†De waerheyt wort versmaet

 

Ja leyt gheuallen op der straet

 

De claerheit machmen niet int voorschijn lesen

 

De waerheyt wort gheuanghen, verstaet

 

En al die vanden quaden afgaet

 

Ende de boosheyt verlaet

 

Die moet hier alle mans roof wesen

 

Als Christus spreeckt soet

 

Wort ghy ghehaet metter spoet

 

^‡Weet dat sy my oock haetten en verdreuen

 

Joannis int vijfthiende vint ghijt geschreuen.

 

Eylaes het waer my groot verdriet

 

Seyt Paulus te ^* beroemen yet

 

Dan int cruyce des Heeren, siet

 

Het staet Galaten int seste ghepresen

 

Oock Christus tHooft selfs niet

 

Als Lucas (hoort mijn liet)

 

Int vierentwintichste bediet

 

^†Dan door lijden gegaen is in tshemels wesen

 

Aldus moeten nu na gaen

 

Sijn Leden, wilt dit verstaen

 

Want Christus ghetuycht door zijn leere

 

^‡Dat de knecht nz meerder en is dan zijn heere.

 

Troost v met Godt, en dit versint

 

^*Dat hy castijt die hy bemint

 

Ja gheesselt zijn Soon ofte kint

† mat. 10, 21 ende 24, 9.

‡ psa. 44, 23.
4. Esd. 15, 10.
Joan. 16, 2.
Ro. 8, 36.

* mt. 16, 25
mar. 8, 35.
Luc. 9, 24

† esa. 59, 15

‡ Joan. 15, 18

* Gal. 6, 16.

† luc. 24, 25

‡ mt. 10, 14
Joan. 15, 20

* iob. 5, 17
Pro. 3, 11.
Apo. 3, 19

[fol. 85v]

 

Eer dat hy hem wilt ontfanghen

 

^*Als v de castijdinghe coemt ontrint

 

So weet dat ghy zijn Sone bint

 

Totten Hebreen ist gheprint

 

Int twelfste, hoort doch na mijn sanghen

 

Elcken sone de Vader castijt

 

Wie nu gheen castijdinghe en lijt

 

Die sy alle deelachtich waren

 

Dat en zijn geen rechte sonen, maer bastaren.

 

Maer laet ons lijden om twoort Gods hier

 

Want om Gods wille ist beter manier

 

^†Dan om het quaet te lijden fier

 

Alsser staet een Petri int derde

 

Want Godt ondersoeckt ons altijts schier

 

Met druck, veruolginghe oft vier

 

Aenhoort doch dit bestier

 

Oft wy oock in hem sullen volherden

 

^‡Die nu volstandich blijft fijn

 

Die sal dan salich zijn

 

Mattheus vierentwintich doetet verclaren

 

Dus laet ons hier om strijden allegare.

 

Al worden wy veruolghet swaer

 

^*Wy lijden al, tis openbaer

 

Men lastert ons hier en daer

 

Maer wy bidden alsser staet Corinthen vier

 

Tcruys dunckt die verloren worden claer

 

Een sotheyt, alst oock blijckt voorwaer

 

Maer tis de Christen schaer

 

^†Oft die salich worden een cracht Gods hier

 

Alsmen vint gheschreuen staen

 

Corinthen int eerste saen

 

Actum veerthienste dat doet ons blijcken

 

^‡Dat wy door veel verdriets moeten gaen in Gods Rijcke.

 

^† Dat Rijcke der Hemelen lijt ghewelt

 

Wie daer ghewelt om stelt

 

Die crijghet onuermelt

 

Mattheus int elfste daer moechdijt vinden

 

Wie tcruys des Heeren tonderuelt

* Heb. 12, 6

† 1. pet. 3, 17

‡ mat. 10, 22 ende 24, 13.
mar. 13, 12

* 2. Cor. 4, 9

† 1. cor. 1, 22.

‡ Act. 14, 22

† mat. 11, 12.

[fol. 86r]

 

Oft daer niet van en helt

 

Die wort voor Godt als niet ghetelt

 

Als Mattheus ons int thiende gaet ontbinden

 

^‡Wie om twoort Gods niet en haet

 

Sijn goet en leuen niet en versmaet

 

Die en mach niet wesen Gods kint

 

Lucas int veerthienste dat ghijt claer vint.

 

Al is de werelt nu so bly

 

Laet ons met Godt onsen Prince vry

 

Lijden een weynich ghestry

 

Hier na sullen wy verblijden met den Heer

 

^*Een vrouwe in deser tijt sien wy

 

Heeft groote smerten, pijne en ghely

 

Eer dat sy baert, hoort my

 

Maer als sy ghebaert heeft en gedenckt sy de pijne niet meer

 

So salt met ons oock zijn

 

Joannes sesthien statet fijn

 

Romeynen int achtste staet sonder swijcken

 

^†Dat ons lijden by Gods glorie niet en is te ghelijcken.

‡ mat. 10, 37
Luc. 14, 26

* Joan. 16, 21

† Ro. 8, 18.
1. co. 4, 17
1. Joan. 3, 2