Veelderhande liedekens, gemaect uut den Ouden ende Nieuwen Testamente

[Gepeyns gepeyns ghi maect mi fantasie]

C Nae de wijse: alst beghint.

GEpeyns gepeyns ghi maect mi fantasie
Hoe ligt ghy my nu so seer en quelt
Somwijlen ^* truerich, en somwijle blie
O Heer helpt ons behouden tvelt
^†Coemt coopt van my (druck bezijden stelt)
Wijn en melck, na des Schrifts verhalen
Sonder gelt oft pant, ghy moecht niet falen.
^‡ Coemt ghy belaste, ick wil v ontladen
Spreect Christus de Heer, int openbaer
Al met mijn ^* vleesch, so wil ick v versaden
^†Die in my ghelooft en volcht my naer
Van diens lijue sullen vloeyen claer
Wateren des leuens, elck merck dit snel
Blijft by Godts woorden, so doet ghy wel.

So ^‡ wie het cruyce niet en wil aenueerden

Ende ^* treden inden enghen padt
Die en sal Christus niet houden van weerden
Hoe coemt hy dan inde ^† nieuwe Stadt
Want ^‡ wiet niet altemael versaect pladt
Vlees, bloet, eer, goet, lijf ende leuen
Die en sal Christus gheen erfdeel gheuen.

Maer al die geen deel met Godt en beeruen

Beter mochten sy ongheboren zijn
Als sy ^* tnieu Jerusalem sullen deruen
Ende gaen in de ^† eeuwighe pijn
Dan sullen sy alle weenende zijn
Als sy door Gods woort oordeel ontfaen
Die gheen beteringhe hebben ghedaen.
^‡ Wilt v bekeeren, doet ons Christus vermaen
Themelrijck is nu ghecomen by
Teuangelium ghelooft, en nemet aen
^*So sal v de waerheyt maecken vry
Doet oprechte ^† boete dat seg ick dy
Als Petrus tot den Joden verclaert

* 2. Cor. 2, 5

† Esa. 55, 1.

‡ mat. 11, 28

* Joan. 6, 51.

† ioan. 4, 10 ende 7, 38.

‡ mat. 19, 38

* mat. 7, 13

† Apo. 21, 2.

‡ mt. 16, 24
mar. 8, 34.
Luc. 9. 11.

* Apo. 21, 2.

† apo. 21, 8

‡ mat. 4, 17
Mar. 1, 15

* Joan. 8, 32.

† Act. 2, 38

[fol. 81r]

 

Ende^* volbrengt Godes liefde vermaert.

 

Siet wel toe ^† en laet v doch niet verleyden

 

Als int eerste Corinthen sesse staet

 

^‡Want oncuyssche, Afgoden dienaers beyde

 

Ouerspeelders, weeclingen, schenders quaet

 

Dieuen, ghierighe, dronckaerts obstinaet

 

Twistighe, en roouers, moghen Gods rijck

 

Niet besitten nv noch eeuwelijck.

 

O lieue menschen wilt hier wel op mercken

 

^*Want sodanighe zijn wy gheweest

 

Doen wy noch liepen in ons boose wercken

 

Maer want ons Christus daer af gheneest

 

Door de wedergheboorte, soomen leest

 

Wilt ^† sober zijn, in bedinghe waecken

 

^‡Den ouden mensche moet ghy versaecken.

 

Weest hier mede nu den Heere beuolen

 

Die de nieu gheboorte hebt ontfaen

 

Gelooft Gods woort, so en sult ghy nz dolen

 

Duer de liefde sult ghy Godts Rijcke ingaen

 

Ende van Christo ^* de croone ontfaen

 

Hy sal v verblijen, met melodijen

 

Die nu zijn ^† beswaert die worden blije.

* 1. Cor. 13

† 1. co. 6, 10

‡ Gal. 5, 21.
Eph. 5, 5.

* 1. cor. 6, 11.
Ephe. 2, 2.
Tit. 3, 3.

† 1. Pet. 5, 8

‡ Col. 3, 9.

* 4. esd. 2, 43

† Joan. 16, 20