Veelderhande liedekens, gemaect uut den Ouden ende Nieuwen Testamente

§ Na de wijse: Het reghende seer, ende ick wert nat.

DEr ^* Heyden Goden zijn seer veel
Van goude, siluer ende meel
^† Maer liefste Abba
^‡ Ghy zijt inden hooghen hemel
Crachtich van rade en van da.

Beelden van gout, noch menschen van stof
En coemt glorie nochte lof
^* Maer liefste Abba
^† Gheheylicht sy uwen name
^‡ Ghy maeckt ons salich wt ghena.

^* Wt trijck Babel zijn wy ghegaen
En na Pharaos schat wy niet en staen
^† Och liefste Abba
^‡ V rijcke ons toch toecome
Twelck niet en is van tswerelts za.

Wy stellen ons (O Heer) in dijn hant
Hoe dattet vleesch daer teghen spant
^* Maer liefste Abba
^† Vwen wille gheschie ter werelt
Als inden Hemel vroech en spa.

Wy bidden v, O Heere groot
Heden om ons dagelijcx broot
^‡ Och liefste Abba
Gheeft ons oock spijse der sielen
Dat is v woort, seer goet van ra.

O goede Heer van grooter ghedult
^* Vergeeft ons onse sondighe schult
^† Och liefste Abba
Ghelijck wy ghehuldich vergeuen
Die ons oyt deden eenighe scha.

Wy zijn doch menschen broos en cranck
^‡ Dus leyt ons niet in becoren stranck

* psa.115,4

† ro.8,15. Gal.4,6.

‡ mat.6,9 Luc.11,2.

* Ro.8,15 Gal.4,6.

† mat.6,9 Luc.11,2.

‡ ephe.2,7

* ier.51,6. apo.18,4

† ro.8,15.

‡ mt.6,10. Luc.11,2.

* Ro.8,15 Gal.4,6.

† mt.6,10. Luc.11,2.

‡ Ro.8,15. Gal.4,6.

* mat.6,12. Luc.11,4.

† Ro.8,15 Gal.4,6.

‡ mat.6,13 Luc.11,4.

[fol. 57r]

 

^* Maer liefste Abba

 

Wilt ons beschermen, bewaren

 

^† En verlossen van alle qua.

 

 

 

Want v is trijck en maiesteyt

 

En de cracht inder eewicheyt

 

^‡ Och liefste Abba

 

Wilt ons ghebet verhooren

 

So singhen wy Alleluya.

* rom.8,15 Gal.4,6.

† luc.11,4. Ioan.17,15

‡ mat.6,13. rom.8,15. Gal.4,6.