Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
Auteursrechtvrij
[Folio 35v]
| |
BEdroeft ben ick van binnen
O Vader celestijn
Dat ick v niet can minnen
Wt alder crachten mijn
Daer nochtans hert en sinnen
Besneden moeten zijn
O Heer om sulcks beginnen
Laet my van v ghewinnen
Des heylichs Gheests cracht deuijn.
Ga naar margenoot‡ Gheestich weder gheboren
Moeten sy zijn publijck
Die willen als vercoren
Comen in tsHemels Rijck
Ia Ga naar margenoot* omghekeert al voren
Den kinderen ghelijck
Dienen sy na tbehooren
Sterckt hier in Vader vercoren
Dijn hantwerk ghemaeckt van slijck.
Tonsen trooste gheschreuen
Vinden wy claerlijck staen
Ga naar margenoot† Wie bidt, dien wert ghegheuen
Die clopt, wert open ghedaen
En die soeckt, in dit leuen
Die sal troost vinden saen
Hier in Vader verheuen
Ons aertwormkens beseuen
Laet uwe gauen ontfaen.
Van v Ga naar margenoot‡ Vader der lichten
Comen alle gauen goet
Daerom ons simpel wichten
Gheeft wijsheyt, maeckt ons vroet
Op dat wy moghen stichten
Elcken gheestich ghemoet
Oock vleesch, werelt beuichten
En wederstaen Ga naar margenoot* de schichten
Van al Sathans ghebroet.
Ons Ga naar margenoot† tonghe, en mont regieren
Wilt Vader omnipotent
Op dat wy obedieren
| |
[Folio 36r]
| |
Moghen v Mandament
En in alle quartieren
Belijden v Name ient
Na v wil, en manieren
Leert ons van sonden vieren
En volghen v wech bekent.
Ga naar margenoot‡ De wech om tot v te commen
Is smal, so Schrift belijdt
Tvleesch kiest nochtans den crommen
Ter Hellen, breet ende wijt
Maer beurijt, voor tverdommen
Die v vreesen altijt
Der cranckheyt wy ons rommen
Maer Heere niet om sommen
Is v cracht ghebenedijt.
Ga naar margenoot* Niet ons, maer uwen Name
Moet glorie gheschien
Als Ga naar margenoot† Hooft van het lichame
Wilt ons cranckheyt aensien
En maeckt ons bequame
Te leuen na v ghebien
Want sonder v al tsame
Sijn wy onnut in fame
Sterckt ons Heere by dien.
Sterckt ons Heer int ghedueren
Als Ga naar margenoot† wijnstock, Ga naar margenoot* hooft en pijlaer
Laet ons bloeysel ghebueren
Ghelijck rancxkens vruchtbaer
Gheestich helpt ons verschueren
Alle errueren swaer
Op dat wy tallen vren
Als Ga naar margenoot† nieuwe Creatueren
Christum moghen volghen naer.
Om Christum Herder reene
Na volghen tot des cruys doot
Ons verstroeyt hoopken cleene
Staet by Vader minioot
Beschermt ons int ghemeene
Onder v vlueghels groot
| |
[Folio 36v]
| |
Want ghy en anders gheene
Sijt ons Beschudder alleene
Troost, toeulucht, schermschilt ter noot.
|
|