Typus Mundi

[p. 56]

[p. 57]

XII. Non amat iste, sed hamat Amor.

QVae plaga lasciui plagas non sentit Amoris?

Quae loca pernici non adit ille pede?

Non tantum vranimâ funestat lampade terras;

Ast etiam medijs ardet, & vrit aquis;

Nec pharetram tantum, pharetrae neq́ue spicula pondus,

Sed gerit hamatis retia plena dolis;

Nam modò piscator, modò nauita caerula verrit,

Quoq́ue canit Siren gurgite, fallit Amor.

Ille quidem blando promittit munera vultu;

Munera sed fraudem perniciosa tegunt:

Si captas, caperis: sic credulus adnatat escae

Piscis, ab hamatâ mors dape certa venit.

Hamat Amor Mundi. Qui Mundi munera captas,

Praedo miser praedae praeda eris ipse tuae.

Ille videt Veneres, exardescitq́ue videndo;

Dum videt, ardentem captat, & hamat Amor.

Iste per amfractus vmbram venatur honorum;

Venatorem vmbrae captat, & hamat Amor.

[p. 58]

 

Quaerit auarus opes, & fuluae ponder a curae;

 

Quaestoremq́ue auri captat, & hamat Amor.

 

Quemq́ue sui sensus, sua inescat quemq́ue voluptas;

 

Se sinit hic oculis, auribus ille capi;

 

Hi pereunt tactu; sunt illis hamus odores;

 

Hos Cerere, hos Baccho captat, & hamat Amor.

 

Omnibus vsque locis tibi retia ponit, & hamos;

 

Quo minimè metuis gurgite, captus eris.

 

Saepe tibi streperis fert cominùs oscula labris;

 

Oscula dum fingit, non amat, hamat Amor.

 

Conquereris? queritur: moeres? moerere videtur;

 

Moerore, & questu non amat, hamat Amor.

 

Illacrymas? sociae poeto nant lumine guttae:

 

Non amat his lacrymis iste, sed hamat Amor.

 

At tibi lasciuis si blandum arridet ocellis:

 

Non amat his hirquis iste, sed hamat Amor.

 

Cypro missa graues si mollit epistola curas:

 

Mollia scribendo non amat, hamat Amor.

 

Ipse adeò (& quis iurato non fidat Amori?)

 

Si tibi iuret, amo, non amat, hamat Amor.

[p. 59]

Veux tu sçauoir pourquoy Cupidō porte-fleche
A chāgé l'arc en rets, sō vieux mestier en pesche?
Pour te conduire à mort: fuyez à toute force;
La mort s'eft deguisé du masque de l'amorce.

Ghy meynt dat u dit kindt
Wt een goedt hert bemindt /
Om dat het 's werelts aes
V schincken wilt: eylaes!
'T is al kout voor den vaeck;
Het aes bedeckt den haeck.